ABŞ İrana müdaxilə etsə, fəlakət olacaq - Koltaşov
Dərc olunub:
13-01-2026, 16:26
ABŞ-ın İrana müdaxilə cəhdləri fəlakətlə nəticələnəcək.
Bunu rusiyalı politoloq və iqtisadçı Vasili Koltaşov deyib.
O, 1970-ci illərin sonlarında ABŞ-ın dəstəyi ilə İraqın hücumunu və bu hücumun iranlıların səfərbərliyinə, uzun sürən münaqişəyə səbəb olduğunu xatırladıb:
“Əgər Tramp indi İran məsələsinə qarışsa, bu, fəlakətlə bitəcək. Etiraz hisslərinə və ruhani hakimiyyətindən yorğunluğa baxmayaraq, İran cəmiyyətində güclü antiamerika hissləri qalmaqdadır. İranlılar Amerika müstəmləkəsi olmaq, amerikalıların gəlib neftlərini götürmələrini istəmirlər. Etirazçılar iqtisadi islahatlar, dünyəvi dövlət və şəxsi həyat azadlığı istəyirlər, lakin xarici nəzarət yox. Mövcud hadisələrin ən çox ehtimal olunan nəticəsi daxili islahatlar olacaq”.
