Rusiya Hindistanda bank açır
Rusiya Bankı tezliklə Hindistanda nümayəndəliyini açacaq.
Avrasiya.net TASS-a istinadən bildirir ki, bunu Rusiyanın Hindistandakı səfiri Denis Alipov deyib.
O bildirib ki, bu, Çindən sonra xaricdə ikinci olacaq. Səfirin sözlərinə görə, maliyyə dialoqunun dərinləşdirilməsi zərurəti Rusiya və Hindistan arasında ikitərəfli ticarət-iqtisadi əlaqələrin fəal genişlənməsi ilə şərtlənir. Neqativ xarici amillər müstəqil hesablaşma mexanizmlərinin təkmilləşdirilməsinə kömək edir.
Diplomat deyib ki, yerli banklar ABŞ və Aİ-də hesabların dondurulmasına və SWIFT sistemindən ayrılmağa uğurla uyğunlaşıblar:
"Hindistan bankları ikinci dərəcəli sanksiyalar riskini minimuma endirməyi öyrəniblər. Nəticədə Rusiya və Hindistan arasında qarşılıqlı hesablaşmalar əhəmiyyətli dərəcədə daha təhlükəsiz və şaxələndirilib".
Diplomatın sözlərinə görə, ölkələr arasında birbaşa hesablaşmalarda milli valyutaların payı 95%-ə yaxınlaşır.
