Azərbaycanlı aşpaz dünya kulinariya çempionatında ilk üçlükdə yer aldı
Fransanın Nant şəhərindəki “Parc des Expositions” sərgi mərkəzində keçirilən “Serbotel” beynəlxalq sərgisi çərçivəsində Fransız mətbəxinin ən yaxşı yeməyi üzrə Dünya Kuboku baş tutub.
Yarışda iştirakçılar XVII əsrə aid klassik fransız yeməyi — "bœuf bourguignon" (Burgundiya tərzində bişmiş ət yeməyi) hazırlamalı idilər.
Azərbaycanı yarışda Fransadakı Pol Bokyuz İnstitutunun məzunu Bəhar Ağamalova təmsil edib. O, Azərbaycan mətbəxinin zəngin ənənələrini fransız kulinariyası ilə birləşdirərək ikinci yerə layiq görülüb.
1-ci yer — Braziliya
2-ci yer — Azərbaycan
3-cü yer — Fransa
Münsiflər heyəti — “Mişelin ulduzlu” və “Fransanın Ən Yaxşı Ustası” titullarına sahib doqquz tanınmış aşpazdan ibarət olub və Ağamalovanın Azərbaycan motivləri ilə təqdim etdiyi versiyanı yüksək qiymətləndirib.
