Fransızlar ayağa qalxdı - "Makron, get!"

Parisdə Fransa Prezidenti Emmanuel Makronun istefası, ölkənin Avropa Birliyi və NATO-dan çıxması üçün aksiyalar keçirilib.

Avrasiya.net xəbər verir ki, bu barədə TASS məlumat yayıb.

Bildirilib ki, nümayişçilər Fransa paytaxtının 6-cı rayonundakı Monparnas bulvarından Luvr muzeyinə doğru yürüş edərək "Makron, get!", "Avropa Birliyindən çıx!" kimi şüarlar səsləndiriblər.

Aksiyada Vətənpərvərlər Partiyasının lideri və mitinqin təşkilatçısı Florian Filippo deyib ki, baş verən hadisələrdə demokratiyanın zərrəsi belə yoxdur:

"Ölkə tam qarışıqlıq içərisindədir. Nazirlər bir-birinin ardınca vəzifədən gedir. Biz NATO-dan, Avropa Birliyindən çıxmalıyıq. AB daxilində mövcud olmağa davam etsək, bizi senzura, müharibə və yoxsulluq gözləyir".