ABŞ-nin bir neçə hərbçisi helikopter qəzasında həlak olub
Dərc olunub:
20-09-2025, 06:24
ABŞ-nin şimal-qərbində Vaşinqton ştatında helikopterin qəzaya uğraması nəticəsində ölkənin 4 hərbçisi həlak olub.
"Report"un xəbərinə görə, bu barədə "Associated Press" ABŞ Ordusunun Xüsusi Əməliyyatlar Komandanlığına istinadən məlumat yayıb.
Məlumata görə, helikopter sentyabrın 17-də axşam saatlarında təlim uçuşu həyata keçirirmiş və Lyuis-Makkord Hərbi Hava Qüvvələri bazası yaxınlığında uçub. Təyyarədə dörd nəfər olub, onların adları hələ açıqlanmır.
Qəzanın səbəbi müəyyən edilməyib.
Hadisə barədə daha əvvəl Tyorston dairəsi şerifnin aparatı məlumat yayıb.
