Suriyanın yeni bayrağı nəyi təmsil edir? - İZAH
Dünyanın gözü yenidən Suriyadadır. Belə ki, müxaliflərin hakimiyyəti devirməsi, bir sıra əraziləri ələ keçirməsi ilə yanaşı ölkənin rəmzi hesab edilən bayraq da silahlılar tərəfindən dəyişdirilib.
Yeni bayraqda qırmızı əvəzinə yaşıl zolaqdan istifadə edilib.
Bu bayraq ilk dəfə 1930-cu ildə Suriya Respublikasının bayrağı kimi təsdiq olunub.
Bayraqda yaşıl rəng Rəşidilər, ağ rəng Əməvilər, qara rəng isə Abbasilər xilafətlərini təmsil edir.
Mərkəzdə olan üç qırmızı ulduz isə Hələb, Dəməşq və Əl-Cəzirə əyalətlərini təmsil edirdi. Sonradan ulduzların mənalandırılmasında ölkədə olan digər regionlar da əlavə edildi. Bayraq 1930-1958 və 1961-1963-cü illərdə Suriya dövlətinin rəsmi bayrağı statusunu qazanmışdı.
Bayraq 2011-ci ildən etibarən Bəşər Əsədə qarşı olan qüvvələrin bayrağı kimi istifadə edilirdi.
