Rusiyalı general Avropanı təhdid etdi: Hər yeri vura bilərik!
Rusiyanın "Oreşnik" raket kompleksi bütün Avropadakı hədəfləri vura bilir.
“RİA Novosti” xəbər verir ki, bunu Rusiya Strateji Raket Qüvvələrinin baş komandanı general-polkovnik Sergey Karakaev deyib.
Karakaev Rusiya prezidenti Vladimir Putinlə görüşdə bildirib: “Təqdim olunan tapşırıqlara və bu silahın əməliyyat məsafəsinə əsasən, "Oreşnik" bütün Avropadakı hədəfləri vura bilir ki, bu da onu digər uzaqmənzilli dəqiq silahlardan yaxşı mənada fərqləndirir”.
Cümə axşamı Putin Ukraynada müharibənin gedişi və yeni “Oreşnik” orta mənzilli raketin uğurlu sınağı barədə bəyanat verib. Onun sözlərinə görə, Rusiya Silahlı Qüvvələri “Oreşnik” raketllərilə Ukraynanın Dnepropetrovsk şəhərində SSRİ dövründən bəri ən böyük və tanınmış sənaye komplekslərindən birinə zərbələr endirib.
Qərb isə Ukraynaya atılan raketlərin orta mənzilli deyil, qitələrarası ballistik raketlər olduğunu bəyan edib.
