İsrail Livandakı itkilərinin sayını açıqladı

İsrail ordusu Livana quru əməliyyatı başlayandan bəri 8 əsgərini itirib.

Axar.az xəbər verir ki, bu barədə İsrail mediası rəsmi mənbəyə istinadla məlumat yayıb.

Bildirilib ki, bu gün Livanın cənubunda İsrail əsgərlərini pusquya salan Hizbullah döyüşçüləri tank əleyhinə raketlər və canlı qüvvə ilə hücum edib. Nəticədə 7 əsgər ölüb.

Bundan öncə isə İsrail ordusu 22 yaşlı kapitanın həlak olduğunu elan etmişdi.

Qeyd edək ki, İsrail ordusu 30 sentyabrda Livanın cənubunda quru əməliyyatına başlayıb. Hizbullah İsrailin ötən gün 58 əsgər itirdiyi haqda məlumat yayıb.