Putini şərəfsiz məğlubiyyət gözləyir

Rusiya Prezidenti Vladimir Putin üçün qələbə günü ola bilməz. Onu Ukraynada qələbə yox, şərəfsizlik və məğlubiyyət gözləyir.

Axar.az xəbər verir ki, bunu Böyük Britaniyanın müdafiə naziri Ben Uolles deyib.

“Rus generallarının libas geyinib, medal və mükafatlarla parıldaması absurddur. Həm onlar üçün, həm də Putin üçün qələbə günü ola bilməz, onları Ukraynada yalnız şərəfsizlik və məğlubiyyət gözləyir”, - o bildirib.

Uolles mülki şəxslərə, qadınlara və uşaqlara qarşı hücumlara, cinsi zorakılıq hallarına diqqət çəkib. O bildirib ki, Putin uğur qazanacağı təqdirdə Rusiyanın Ukraynaya qarşı qəddarlığı inanılmaz dərəcədə təhlükəli siqnal ola bilər.