Məşhur oteldə partlayış: Ölü sayı 22-yə çatdı
Kubanın paytaxtı Havana şəhərinin mərkəzindəki “Saratoqa” otelində baş verən partlayışda 22 nəfər həlak olub.
Kuba hökuməti bu barədə “Twitter” səhifəsində məlumat yayıb.
Məlumatda bildirilib ki, xəstəxanalarda 64 nəfər zərərçəkən var, onlardan 14-ü azyaşlıdır. Faciənin qaz sızması səbəbindən baş verməsi ehtimal olunur.
Bundan əvvəl hadisə zamanı həlak olanların sayının 18 olduğu bildirilmişdi.
***
21:19
Kubanın paytaxtı Havana şəhərinin mərkəzində yerləşən Saratoqa hotelində partlayış baş verib.
Modern.az "Reuters" agentliyinə istinadən xəbər verir ki, yerli media hadisə nəticəsində 4 nəfərin həlak olduğunu bildirib.
Partlayışın qaz sızması nəticəsində baş verdiyi deyilir. Hökumət hadisənin terror ola biləcəyini istisna edir.
Binanın ən azı iki mərtəbəsinin dağıldığı qeyd olunub. "Rebelde" radiosu həlak olanların sayının çox olduğunu, 20 nəfərin yaralandığını açıqlayıb.
Neoklassik üslubda olan hotel Sovet İttifaqının süqutundan sonra Britaniya şirkəti tərəfindən təmir edilib və uzun illər dövlət məmurlarını və məşhurları qonaq edib.