Rus motoatıcıları döyüşməkdən imtina etdilər
Dərc olunub:
5-05-2022, 10:39
Ukraynada Rusiyanın Şərq Hərb Dairəsinin 35-ci birləşmiş silahlı ordusunun 38-ci motoatıcı briqadasının hərbçiləri xeyli itki verib və bundan sonra müharibədə iştirakdan imtina ediblər.
Bu barədə Ukrayna Silahlı Qüvvələrinin Baş Qərargahının Feysbuk səhifəsində məlumat yayılıb.
Məlumata görə, rus hərbçiləri Rusiyaya getməyi gözləyirlər:
“Luqansk vilayətinin Svatovski qəsəbəsində yerləşən Cənub Hərb Dairəsinin 8-ci Birləşmiş Silahlı Qüvvələrinin 2-ci Ordu Korpusunun (qondarma “lxr” - red.) silahlı birləşmələrinin isə mənəvi-psixoloji vəziyyəti çox aşağıdır, silah və mühafizə vasitələri ilə bağlı ciddi problemləri var. Onlar tapşırıqları yerinə yetirməyə hazır deyillər”.
