ABŞ Ukraynaya Mi-17-lər göndərir
Dərc olunub:
14-04-2022, 00:58
ABŞ Ukraynanı helikopter və artilleriya ilə təchiz edəcək.
Axar.az xəbər verir ki, bu barədə Ağ Ev məlumat yayıb.
“Yeni yardım paketinə çox effektiv silah sistemləri, eləcə də Rusiyanın Ukraynanın şərqində başlayacağını gözlədiyimiz daha geniş hücuma uyğunlaşdırılmış yeni hərbi texnika daxil olacaq", - məlumatda bildirilib..
Bayden əlavə helikopterlərin təhvil verilməsini də təsdiqləyib.
"Röyters" ABŞ-ın Ukraynaya göndərəcəyi ağır texnikanın sayını açıqlayıb. Məlumata görə, ABŞ Ukraynaya Əfqanıstan üçün nəzərdə tutduğu 11 Mi-17 helikopteri, 18 haubitsa və 200 zirehli hərbi texnika göndərəcək.
Qeyd edilib ki, son 800 milyon dollarlıq yardımla ABŞ-ın Ukraynaya son 1,5 ayda etdiyi hərbi yardımın həcmi 2,5 milyard dollara qalxacaq.
