BMT Təhlükəsizlik Şurası Ukraynadakı humanitar vəziyyətlə bağlı iclas keçirəcək
BMT Təhlükəsizlik Şurası 29 martda Ukraynada humanitar vəziyyətlə bağlı iclas keçirəcək.
“Report” xəbər verir ki, bu barədə dünya təşkilatının cədvəlində qeyd olunub.
Məsləhətləşmələr Fransa və Meksikanın təşəbbüsü ilə keçiriləcək. Görüş Bakı vaxtı ilə saat 23:00-da başlayacaq.
Martın 24-də BMT Baş Assambleyasının xüsusi sessiyasının müzakirəsinə Ukraynadakı humanitar vəziyyətlə bağlı iki qətnamə təqdim edilib. Fransa və Meksika tərəfindən hazırlanan birinci qətnamə, Rusiyanı Ukraynada hərbi əməliyyatı dərhal dayandırmağa çağırır. Cənubi Afrikanın müəllifi olduğu ikinci qətnamədə yalnız humanitar məsələlərə - yardımın göstərilməsi və humanitar dəhlizlərin yaradılmasına yönəldilib.
BMT Nizamnaməsi ilə diktə edilmiş qətnamələr üzrə səsvermə onların baxılmaq üçün təqdim edildiyi ardıcıllıqla keçirilməli idi. Baş Assambleya Fransa-Meksika variantını qəbul etdikdən sonra Ukraynanın daimi nümayəndəsi Serqey Kisliça bildirib ki, Cənubi Afrika prosedurda nəzərdə tutulduğu kimi səsvermə üçün rəsmi müraciət etməyib. Bu vəziyyətdə səsvermə məsələsi ayrıca baxılmaq üçün təqdim edilib.
50 ölkə Cənubi Afrikanın layihəsinə səs versə də, 67 ölkə əleyhinə, 36 ölkə bitərəf qalıb. BMT Baş Assambleyası sənədə baxmayıb. Qətnamənin səsverməsinin tərəfdarı Rusiya və Çin, ABŞ, Böyük Britaniya və Fransa isə əleyhinə olub. Layihəyə baxılmasına Braziliya da dəstək verib, Almaniya, Türkiyə, İsrail, Moldova, Gürcüstan və Macarıstan kimi ölkələr əleyhinə səs verib. Hindistan bitərəf qalıb.
