İddia: ABŞ Yaxın Şərqdən də qoşunlarını çıxarır
Dərc olunub:
19-06-2021, 08:52
ABŞ Prezidenti Co Baydenin rəhbərlik etdiyi administrasiya Əfqanıstandan sonra Yaxın Şərqdən də hərbçilərinin böyük hissəsini geri çağıracaq.
Axar.az xəbər verir ki, bu iddia ilə “Vol Strit Jurnal” qəzeti çıxış edib.
Bildirilib ki, Pentaqon İraq, Küveyt, İordaniya və Səudiyyə Ərəbistanında yerləşdirdiyi 8 ədəd “Patriot” havadan müdafiə və THAAD sistemlərini çıxaraq, eyni zamanda Hərbi Hava Qüvvələrinin də sayını azaldacaq.
Belə ki, 2 iyun tarixində Pentaqon rəhbəri Lloyd Ostin və Səudiyyə Ərəbistanı vəliəhdi, şahzadə Məhəmməd bin Salman arasında baş tutan telefon söhbəti zaman məhz bu mövzuda müzakirə aparıldığı, lakin ictimaiyyətə açıqlanmadığı qeyd edilib.
