ABŞ İranla danışığa hazırdır
Dərc olunub:
19-02-2021, 10:00
ABŞ İranla nüvə müzakirələri üçün masaya oturmağa hazırdır.
Bu barədə Dövlət Departamentinin mətbuat katibi Ned Prays bildirib.
Onun sözlərinə görə, ölkəsi Avropa İttifaqının təşkil edəcəyi və 5+1 ölkələri ilə birgə İranın da qatılacağı iclasda iştirak etməyə hazırdır.
Bu çərçivədə İrandan 2015-ci ildə imzalanan Birgə Hərtərəfli Fəaliyyət Planı çərçivəsində öhdəliklərinə geri qayıtması tələb olunur.
Qeyd edək ki, ABŞ Tramp administrasiyası dövrünü əhatə edən 8 may 2018-ci ildə sözügedən razılaşmadan birtərəfli çəkilmiş və İrana maliyyə sanksiyaları tətbiq etmişdi.