NATO ölkələri ballistik raket təhlükəsi ilə üz-üzədir
Dərc olunub:
19-12-2020, 08:30
Biz NATO-nun təkcə Transatlantik yox, həmçinin Sakit okean alyansına da çevrilməsini istəmirik. Bu, həddini aşmaqdır.
Axar.az xəbər verir ki, bu sözləri Almaniyanın keçmiş müdafiə və daxili işlər naziri Tomas de Mayzer deyib.
“Lakin NATO indi anlamalıdır ki, Çin artıq dünyada qlobal liderlik ambisiyalarına sahib güc mərkəzidir. Yəni NATO ərazisi hər hansı qitələrarası raket təhlükəsinə məruz qala bilər. Təsiretmənin daha yüngül formaları var, məsələn Qərb infrastrukturuna giriş... NATO-nun dərhal Çinlə münasibət konsepsiyası və regiondakı demokratiyalarla daha yaxın partnyorluq əlaqələrinə ehtiyacı var”, - deyə Mayzer bildirib.
