CASCFEN nümayəndə heyəti Qazaxıstan səfirliyində olub

Görüş zamanı

Fevralın 24-də “Orta Asiya və Güney Qafqaz Söz Azadlığı Şəbəkəsi” İctimai Birliyinin (CASCFEN) nümayəndə heyəti Qazaxıstan Respublikasının Azərbaycandakı səfiri, təşkilatın dostu cənab Alim Bayeli səfirlikdə ziyarət edib.

Səfir Alim Bayelə CASCFEN-in Təşəkkür Bəlgəsi təqdim edilib

Bu barədə CASCFEN-in mətbuat xidmətindən məlumat verilib.

Məlumatda deyilir ki, CASCFEN sədri Nadir Azəri bu görüş üçün vaxt ayırdığı, həmçinin ümumilikdə İctimai Birliyin türk dünyası ilə bağlı fəaliyyətlərinə dəstək verdiyi üçün səfirə minnətdarlıq edib: “Eyni zamanda, təşkilatın üzvləri Zəhra Qasımova, Rəsul İbrahimov, Vüsalə Mirzəyeva, Ayxan İsmayılov, Cahangir Mikayılzadə belə görüş üçün təşəkkür etməklə yanaşı, Qazaxıstan QHT-ləri ilə əməkdaşlığa dair təkliflərini səslənidirib, fikirlərini dilə gətiriblər”.

Səfirə xatirə hədiyyəsi təqdim edilərkən

Məlumatda qeyd edilir ki, səfir Alim Bayel öz növbəsində bu təklifləri müsbət qarşılayıb və İctimai Birliyə gələcək fəaliyyələrtində uğurlar arzulayıb.

Səfirlikdə xatirə fotosu

Görüşün sonunda cənab səfirə CASCFEN-in Təşəkkür Bəlgəsi və xatirə hədiyyəsi təqdim olunub.