Azərbaycanda polkovnik vəfat etdiBirinci və İkinci Qarabağ müharibəsinin iştirakçısı, “Qarabağ” ordenli, Hərbi Hava Qüvvələrinin sabiq komandan müavini, polkovnik Mais Orucəliyev vəfat edib.

Avrasiya.net Manset.az-a istinadən xəbər verir ki, o, uzun sürən xəstəlikdən dünyasını dəyişib.

Qeyd edək ki, Mais Orucəliyev bir ildən çoxdur ehtiyatda idi.
"DGK sistemində canlanma və dəyişikliklər hiss olunmağa başlayıb"Mən ölkənin gömrük sistemində son vaxtlar cərəyan edən prosesləri və eləcə də baş vermiş neqativ halları media üzərindən mütəmadi izləmişəm. Dövlət Gömrük Komitəsinin (DGK) sabiq sədri Səfər Mehdiyevin ölkə Prezidenti cənab İlham Əliyevin qarşıya qoyduğu tapşırıq və vəzifələri yerinə yetirmək əvəzinə, gömrük orqanlarını qohumbazlıq, yerlibazlıq məkanına, korrupsiya mənbəyinə çevirməsi barəfə şok faktları eşidəndə də əsla təəccüblənməmişdim. Çünki S.Mehdiyev dövlətə və xalqa xidmət etmək əvəzinə, sabotajla məşğul idi və o, özünü yüksək rütbəli məmur kimi yox, rəsmən oliqarx kimi aparırdı.

Lakin Dövlət Gömrük Komitəsi sədrinin birinci müavini, gömrük xidməti general-leytenantı Şahin Bağırov Prezidentin etimadına əsasən sədr vəzifəsini müvəqqəti icra edən şəxs kimi fəaliyyətə başladıqdan sonra DGK sistemində müəyyən canlanma və dəyişikliklər hiss olunmağa başlayıb. Şahin Bağırov ölkəmizdə gömrük işinin müasir çağırışlara uyğun şəkildə qurulması, gömrük inzibatçılığının təkmilləşdirilməsi məqsədilə bir sıra mühüm addımlar atıb, islahatlara start verib. Həyata keçirilən islahatlar şübhəsiz ki, DGK-nin fəaliyyətinin təkmilləşdirilməsi və səmərəliliyinin təmin olunmasına xidmət edir. Bu da öz növbəsində qarşıya yeni vəzifələr qoyur.

Belə ki, kadr potensialının gücləndirilməsi üçün kadr dəyişikliklərinin həyata keçirilməsindən tutmuş, insan resurslarının inkişafı və vətəndaşların qəbuluna qədər bütün sahələrdə DGK-nin fəallığı hiss olunur. Vətəndaşların qəbulunun necə təşkil edilməsi istənilən dövlət qurumunun fəaliyyətinin effektivliyini yoxlamaq üçün monitorinq rolunu oynaya bilər. Mən bu gün Dövlət Gömrük Komitəsi sədrinin birinci müavini, sədr vəzifəsini müvəqqəti icra edən, gömrük xidməti general-leytenantı Şahin Bağırovun Horadiz şəhərində yerləşən Muğam Mərkəzində Füzuli, Beyləqan və Xocavənd rayonlarından olan vətəndaşları qəbul etməsinə şəxsən şahidlik etdim və bir daha əmin oldum ki, sələfindən fərqli olaraq Şahin Bağırov öz işinə həqiqətən də çox ciddi və peşəkar şəkildə, məsuliyyətlə yanaşır.

Bildiyiniz kimi dövlət başçımızın tapşırığına uyğun olaraq nazirlik və komitə rəhbərləri bölgələrdə vətəndaşların qəbulunu keçirir, onların müxtəlif məsələlərlə bağlı müraciətlərinin, ərizə və şikayətlərinin müsbət həlli üçün müvafiq, operativ tədbir görürlər. Şahin Bağırovun Füzuli, Beyləqan və Xocavənd rayonlarından olan vətəndaşlarla görüşü də məhz mərkəzi icra hakimiyyəti orqanlarıının rəhbərlərinin şəhər və rayonlarda vətəndaşların qəbulu cədvəlinə uyğun olaraq təşkil edilmişdi. Mənim bu gün qəbul zamanı Füzuli, Beyləqan və Xocavənd rayonları sakinlərinin gömrük məsələləri ilə bağlı müraciətlərinin Şahin Bağırov tərəfindən diqqətlə dinlənildiyini şəxsən müşahidə etmək imkanım oldu.

Komitənin müvafiq strukturlarının rəhbərlərinin iştirakı ilə keçirilən qəbulda vətəndaşların müraciətlərinin əksəriyyəti işə qəbul, idxal-ixrac əməliyyatları və bir sıra digər spesifik gömrük məsələləri ilə bağlı olsa da, Şahin Bağırov hər bir vətəndaşın müraciətini axıra qədər təmkin və qayğıkeşliklə dinlədi. Nəticədə vətəndaşlar tərəfindən qaldırılan məsələlərin bəziləri dərhal yerində həll edildi, araşdırılmasına ehtiyac duyulan digər müraciətlər isə aidiyyəti strukturların görüşdə iştirak edən rəhbərlərinə yönləndirildi, onlara müvafiq tapşırıqlar verildi.

Mən əminəm ki, gömrük xidmətində çalışan heyətin hər bir üzvü öz işinə məhz Şahin Bağırovun sərgilədiyi nümunəvi fəaliyyət prinsipi ilə yanaşarsa, Dövlət Gömrük Xidməti Səfər Mehdiyevin sədrliyi dönəmində zədələnmiş imicini tezliklə bərpa edə və qarşıya qoyulmuş vəzifələrin öhdəsindən layiqincə gələ bilər. Bu gün isə hələlik bir məqamı tam əminliklə qeyd edə bilərəm ki, Şahin Bağırovun gömrükdə başlatdığı islahatlar və kadr dəyişiklikləri cəmiyyətdə müsbət qarşılanır. Gömrükçü adına layiq olmayan şəxslər (o cümlədən, Səfər Mehdiyevin gömrük orqanlarına daraşmış yaxınları, tələbə yoldaşları), həmçinin narkotik istifadə edən gömrükçülər işdən çıxarılır. Bir sözlə, hazırda gömrük sahəsində sağlamlaşdırma, optimallaşdırma işi aparılır. Ümid edək ki, bu sahədə əvvəllər yol verilmiş bütün nöqsanlar tezliklə aradan qaldırılacaq.

Əlisahib Hüseynov,
Milli Həmrəylik Partiyasının sədri
Solovyov dəli oldu: “Geylər”, müsəlmanlardan nə istəyirsiz?Qətərdə keçirilən Futbol üzrə Dünya Çempionatında LGBT-nin reklam olunma cəhdləri məni həqiqətən dəli edir. Qərb liderləri bu tip hərəkətlərlə nəyə nail olmaq istəyirlər?

Axar.az xəbər verir ki, bu sözləri tanınmış rusiyalı teleaparıcı Vladimir Solovyov öz verilişinin (“Vladimir Solovyovla axşam”) efiri zamanı deyib.

“Qətər hökuməti Dünya Çempionatının keçırildiyi zaman bütün yığmaların oyunçularına xəbərdarlıq edib. Qeyd olunub ki, Qətər müsəlman ölkəsidir və burada heç bir LGBT piarı olmamalıdır. Qətər xahiş edib ki, onların bu xəbərdarlığı bu ölkədə yaşayan insanların inaclarına, mədəniyyətinə hörmət mənası olaraq qəbul edilsin. Amma görün alman futbolçular nə etdi. LGBT rəngləri ilə boyanmış sarğını qollarına taxmağa icazə verilməyən gün onlar ağızlarını əlləri ilə tutub şəkil çəkdirdilər. Guya Qətərdə insan haqları boğulur. Ay Qərbin “petuxları”, “geyləri”, gedin öz ölkələrinizdə nə edirsiz, edin - başqa ölkələrin mədəniyyət və düşüncə tərzi ilə oyun oynamayın! Bu nə rüsvayçılıqdır? Bu azmış kimi Almaniyanın daxili işlər naziri Nensi Fauler Qətərdə “Xəlifə” stadionunun qonaq tribunasına qadağan olunmuş həmən o sarğıda gəlib. Hələ Qətər hökumət üzvlərinin yanlarında poz verib. Nədir sizin istəyiniz? Bununla nəyə nail olmaq istəyirsiz?” - deyə o qeyd edib.
"İran terrora ən çox əl atan dövlətdir""İran terrora ən çox əl atan dövlətdir"

"Report"un xəbərinə görə, bunu Birləşmiş Krallığın Kəşfiyyat Xidmətinin (Mİ-5) baş direktoru Ken Makkallum ənənəvi illik “Ölkələrə qarşı təhdidlər” adlı hesabatı ilə əlaqədar bildirib.

"Mən terrora ən çox əl atan dövlət olan İrandan gələn təhlükəni qeyd etmək istəyirəm. İranda mövcud etiraz dalğası totalitar rejim haqqında fundamental suallar yaradır. Bu, dərin dəyişikliklərin göstəricisi ola bilər. Lakin istiqamət hələ ki, qeyri-müəyyəndir. Hələlik biz rejimin tənqidçiləri susdurmaq üçün zorakılığa əl atdığını görürük. İran proksiləri ilə birlikdə regionda və onun hüdudlarından kənarda sabitliyi dərindən pozan faktor olaraq qalmaqdadır. İran Rusiyaya dronlar təmin etməklə dəstək verir.

İran rejimin düşməni kimi qəbul edilən Böyük Britaniyada yaşayan şəxsləri oğurlamaq və ya hətta öldürmək niyyətini ortaya qoyur. Yanvar ayından bəri ən azı on dəfə bu cür potensial təhlükənin şahidi olmuşuq. Biz, tamamilə qəbuledilməz bu fəaliyyəti pozmaq üçün yerli və beynəlxalq tərəfdaşlarla yaxından işləyirik. Ölkəmizin xarici işlər naziri İran rejiminə açıq şəkildə bildirib ki, Böyük Britaniya ölkəsində yaşayan jurnalistlərə və ya hər hansı bir şəxsə qarşı hədə-qorxu və ya həyat təhdidlərinə dözməyəcək”, - o, bildirib.
Saakaşvili zəhərlənib – Həkim təsdiqlədiAnalizlər zamanı Gürcüstanın keçmiş prezidenti Mixail Saakaşvilinin bədənində 3 ağır metal aşkar edilib ki, bu da onun zəhərlənmiş ola biləcəyini göstərir.

Axar.az xəbər verir ki, bunu “Empatiya” qeyri-hökumət təşkilatının rəhbəri və həkimi Mariam Cişkariani deyib.

“Saakaşvilinin zəhərlənmə qurbanı olması ehtimalı yüksəkdir, biz bunun əlavə təsdiqini gözləyirik. O, işgəncələrə, qeyri-insani rəftara məruz qalıb və bəlkə də onu zəhərləmək cəhdi olub. Saçında üç ağır metal aşkar edilib”, - Cişkariani bildirib.

O, Prezident Salome Zurabişvilini Saakaşvilini dərhal əfv etməyə çağırıb.

Qeyd edək ki, Saakaşvilinin vəkili və anası onun zəhərləndiyi haqda məlumat yayıb. Onun zəhərlənməsinin qəsd olduğu istisna edilmir.
Fərhad Əhmədovun şirkəti məhkəməyə verildiMilyarder işadamı Fərhad Əhmədova məxsus “Aznar” şirkəti barəsində məhkəmə iddiası qaldırılıb.

“Qafqazinfo”nun əldə etdiyi məlumata görə, Türkiyə şirkəti olan “Airland iklimlendirme ticraret” “Aznar” barəsində Bakı Kommersiya Məhkəməsinə şikayət daxil olub.

İddiada qeyd edilib ki, “Aznar” sözügedən şirkətdən təsərrüfat üçün texnikalar alıb, lakin müqavilə üzrə ödənişlər olunmayıb. İşə hakim Aytən Əliyevanın sədrliyi ilə baxılır.

Qeyd edək ki, bir neçə gün öncə Fərhad Əhmədov Dövlət Təhlükəsizlik Xidmətinə (DTX) çağırılaraq dindirilib. Onun adı şəhid polkovnik Babək Səmidlinin ordudakı qanunsuzluqlarla bağlı səs yazısının yayılmasında hallanırdı. Belə ki, biznesmen məlum səs yazısını qeydə aldığını etiraf etsə də, səsin kim tərəfindən yayıldığı bəlli deyil.

Məlumat üçün bildirək ki, F.Əhmədov "Aznar"ın Müşahidə Şurasının sədridir. O, 1,7 milyard dollar sərvətlə dünyada 49-cu ən varlı insan hesab olunur.
Böyük özəlləşmə başlamalıdırİlin sonunadək 1 milyon 200 min məhkəmə qərarının icraya yönəldilməsi gözlənilir: Bu, kifayət qədər böyük rəqəmdir. Ona görə də maliyyə naziri Samir Şərifova müraciət edirəm. Vəsait ayrılmalıdır ki, məhkəmə qərarları icra olunsun. Əgər məhkəmə qərarları tam şəkildə icra olunmursa, bu, investorları da ölkəyə investisiya qoymağa çəkindirəcək.

Avrasiya.net xəbər verir ki, bu sözləri millət vəkili Qüdrət Həsənquliyev Milli Məclisin planera iclasında büdcə zərfinin müzakirəsi zamanı deyib.

Q.Həsənquliyevin Sovet İttifaqının iqtisadi islahatların həyata keçirilməməsi, böyük özəlləşməyə gedilməməsi səbəbindən dağıldığını xatırladıb:

“Bu gün Azərbaycanda iqtisadiyyatın əsas sahələri dövlətin nəzarətindədir. Biz böyük özəlləşdirməyə getməliyik. Biz büdcəni daha da artıra bilərik. Amma böyük islahatlara gedilməsə, nəticə bizim arzuladığımız kimi olmayacaq”.
Elmi Tədqiqat İnstitutunun  əməkdaşlarına təlimlər keçirilirBitki Mühafizə və Texniki Bitkilər Elmi Tədqiqat İnstitutunun əməkdaşlarının potensialının gücləndirilməsi məqsədilə təlimlər keçirilir.

Avrasiya.net xəbər verir ki, Azərbaycan Dövlət Aqrar Universitetindən dəvət olunan Turanə Məmmədova “Həşəratların sxematikada yeri və morfologiyası”, Zümrüd Quliyeva isə “Bakteriyaların morfologiyası, kimyəvi tərkibi və çoxalması” mövzusunda təlimlər keçib.

Təlim zamanı əməkdaşlara bitki xəstəlikləri və zərərvericiləri haqqında ətraflı məlumat verilib.

Sonda İnstitutun direktoru İbrahim Cəfərov bu cür təlimlərin institutun gənc kadrları üçün əhəmiyyətli olduğunu diqqətə çatdırıb.

Bakıda gənc qız kirayə qaldığı evdə zorlandıBakıda zorlanma hadisəsi baş verib.

Avrasiya.net Lent.az-a istinadla xəbər verir ki, hadisə Nəsimi rayonunda qeydə alınıb. Rayon ərazisində kirayədə yaşayan 18 yaşlı A. M. (ad şərtidir) polisə müraciət edərək 23 yaşlı Cəlilabad sakini E. D.nin onu zorladığını bildirib.

Qızın iddiasına görə, oğlan onu elə kirayədə yaşadığı evdə zorlayıb.

Polisə daxil olan şikayət əsasında araşdırma başlayıb.
İran İraqla sərhədə zirehli texnika toplayırİran ölkənin qərb və şimal-qərb sərhədlərinə zirehli texnika toplayır.

APA-nın Tehran bürosunun məlumatına görə, bunu İranın İslam İnqilabı Keşikçilər Korpusunun Quru Qoşunlarının komandanı Məhəmməd Pakvər deyib.

O bildirib ki, separatçı anti-İran terror qruplarının ölkənin şimal-qərbindəki hərəkatlarının ardınca, İran İslam İnqilabı Keşikçiləri Korpusunun quru qoşunları ölkənin İraqla sərhəd bölgəsində öz qüvvələrini gücləndirərək təhlükəsizlik üçün bölgəyə zirehli texnika yerləşdirir.

"Hazırda Quru Qoşunların bəzi zirehli bölmələri və xüsusi təyinatlıları ölkənin qərb və şimal-qərbindəki (Kürdüstan və Qərbi Azərbaycan vilayətləri-İraq sərhədi) sərhəd əyalətlərinə yola düşüb. Bu addım sərhəddə yerləşən bölmələri gücləndirmək və İraqın şimal bölgəsində yerləşən terrorçu qrupların ölkəyə daxil olmasının qarşısını almaq məqsədilə həyata keçirilir", o deyib.