Bakıda vəzifəli şəxs qətlə yetirildi
Dərc olunub:
12-10-2025, 15:40
Hava Nəqliyyatında Baş Gömrük İdarəsinin əməkdaşını bıçaqlayıblar.
Avrasiya.net Bakupost.az-a istinadla xəbər verir ki, bıçaqlanan şəxsin Bakının Suraxanı rayon sakini Ayxan Mustafayev olduğu bildirilir.
Hadisə Suraxanıda Ayxan Mustafayevə məxsus kiçik sahibkarlıq obyektinin qarşısında baş verib. O, aldığı bıçaq zərbələrindən həyatını itirib.
Onu qətlə yetirən şəxsin 17 yaşlı yeniyetmə olduğu bildirilir.
Hadisənin təfərrüatı ilə bağlı məlumat yoxdur.
Qeyd edək ki, Ayxan Mustafayev daha əvvəl Xaçmaz Gömrük İdarəsini Yalama gömrük postunda işləyib.
