Qərbin Bakı siyasəti dəyişir - Arkov
Azərbaycan NATO ilə uzun müddətdir və səmərəli əməkdaşlıq edir. Çünki Türkiyə alyansda ikinci ən böyük ordudur, Azərbaycan və Türkiyə Silahlı Qüvvələri arasında sıx əməkdaşlıq mövcuddur.
Avrasiya.net xəbər verir ki, bu sözləri Axar.az-a müsahibəsində rusiyalı politoloq Vitali Arkov deyib.
"Bundan əlavə, Bakı ilə Brüssel (NATO-nun mənzil-qərargahı) arasında birbaşa qarşılıqlı əlaqə də inkişaf edir. Lakin bu, nə Fransanın, nə ABŞ-ın, nə də Avropa Birliyi bürokratiyasının Azərbaycana qarşı hücumlarına və siyasətlərinə mane oldu. Buna görə də bu hesabla özünüzü çox aldatmamalısınız.
Baxmayaraq ki, burada təbii ki, Yens Stoltenberqin İlham Əliyevə reveransları nəzərə alınacaq. Bir neçə kəndin Bakının nəzarətinə qaytarılmasına razılıq verən Nikol Paşinyana gəlincə, tamamilə aydındır ki, bu, NATO rəhbərliyinin məsləhəti ilə edilib. Bunun üçün hazırda Azərbaycan rəhbərliyindən onların xahişləri ilə bağlı müsbət qərar veriləcəyinə ümid edilir. Aydındır ki, onlar Rusiya və İranla münasibətlərə aiddir. Bu, həm də yazda Qərbin Azərbaycanla bağlı ritorikasının mülayimləşməsini də müəyyən edir", - o bildirib.
