Rusiyada həmyerlimiz polisi qətlə yetirdi - Foto
Dərc olunub:
6-01-2026, 15:16
Rusiyada 22 yaşlı polisi qətlə yetirən azərbaycanlı saxlanılıb.
Avrasiya.net Modern.az-a istinadən xəbər verir ki, hadisə Tver vilayətinin Maksatiha kəndində qeydə alınıb.
Rusiyada qanuni əsaslarla işləyən Azərbaycan vətəndaşı Rauf Əliyev onun kirayə qaldığı mənzilə baş çəkən 2 polis əməkdaşı ilə mübahisə edib. Hadisə zamanı həmyerlimiz Andrey adlı polis əməkdaşına bıçaq xəsarətləri yetirərək hadisə yerindən qaçıb.
O, Tver hava limanında saxlanılıb. Məhkəmənin qərarı ilə Rauf Əliyev məhkəməyəqədər həbsdə qalacaq. Həbs müddətinin uzadılması ilə bağlı növbəti dinləmə fevralın 14-də keçiriləcək.
