Qazaxıstanda LGBT qadağan edildi
Qazaxıstan parlamentinin aşağı palatası (Məclis) KİV, telekommunikasiya şəbəkələri və onlayn platformalarda LGBT və pedofiliyanın təbliğini qadağan edən qanunu qəbul edib.
Bu norma qanunsuz məzmunun yayılmasının məhdudlaşdırılması ilə bağlı dəyişikliklər haqqında qanunda nəzərdə tutulub.
Məclisin Sosial-Mədəni İnkişaf Komitəsinin məsələ ilə bağlı rəyi belədir:
“Uşaqları onların sağlamlığı və inkişafına zərər verə biləcək məlumatlardan qorumaq məqsədilə KİV, telekommunikasiya şəbəkələri və onlayn platformalarda pedofiliya və ya qeyri-ənənəvi cinsi orientasiyanın təbliğini əks etdirən məlumatların yerləşdirilməsinin məhdudlaşdırılması nəzərdə tutulub”.
Məclisdə qəbul edildikdən sonra LGBT təbliğinin qadağan edilməsini nəzərdə tutan qanun Qazaxıstan parlamentinin Yuxarı Palatası - Senata təqdim ediləcək.
