İran paytaxtı dəyişəcək? - Pezeşkianın nümayəndəsi
Fars körfəzindən Tehrana suyun ötürülməsi üçün min kilometr uzunluğunda nəhəng layihə yerli mütəxəssislər tərəfindən tamamlanıb və hazırda bu, Tehran üçün yeganə etibarlı su təchizatı mənbəyi kimi nəzərdə tutulub.
Bunu İran Prezidenti Məsud Pezeşkianın dənizçilik sahəsində ümumi inkişaf siyasətlərinin həyata keçirilməsinin kordinasiyası üzrə nümayədəsi Əli Əbdüləlizadə deyib.
O, paytaxtın köçürülməsi məsələsinin gündəmdən çıxarıldığını bildirib:
“Paytaxtın köçürülməsi gündəmdən çıxarılıb və qəti qərara alınıb ki, paytaxtın su və ekoloji problemləri müasir texnologiyalar və resursların elmi idarə olunması yolu ilə Tehranın özündə həll edilsin”.
Qeyd edək ki, bir neçə gün əvvəl Məsud Pezeşkian su çatışmazlığı böhranı səbəbindən paytaxtın köçürülməsi ehtimalı barədə danışmışdı.
