ABŞ Rusiyanı ittiham etdi: Peykləri vura biləcək raket..
Rusiya peykləri vura biləcək raket üzərində sınaq keçirib.
Axar.az xəbər verir ki, bunu ABŞ-ın Kosmik Qüvvələrinin rəhbəri Con Reymond deyib.
“Rusiyanın DA-ASAT (peyk əleyhinə silah) sınağını keçirməsi ABŞ və müttəfiq kosmik sistemlər üçün təhdidlərin real, ciddi və böyük olduğuna dair sübutdur. ABŞ peyk sahəsində edilən hər bir təxribatın qarşısını almağa hazırdır. Eyni zamanda, məsələ ilə bağlı xalqımızın və müttəfiqlərimizin maraqlarını qorumaqda qətiyyətliyik”, - C.Reymond bildirib.
Qeyd edək ki, yanvarda Rusiyanın Kosmos-2542 peykinin ABŞ-ın casus peykini izləməsi ilə bağlı yayılan iddialar Amerika rəsmilərini hərəkətə keçirib.
Məsələ ilə bağlı açıqlama verən Rusiya Xarici İşlər Nazirliyi ABŞ-ın iddialarının kosmik yarışa başlamaq üçün bəhanə adlandırıb.
