20 yaşlı tələbə sevdiyi qıza görə intihar edib?
Əmək və Sosial Münasibətlər Akademiyasının 20 yaşlı tələbəsinin intiharının bəzi təfərrüatları məlum olub.
Akademiyadan verilən məlumata əsasən Şamil özünəqapalı tələbə olub.
Bildirilib ki, o dərslərdə davamiyyətli olsa da, son 3 gündə dərsdə iştirak etməyib. Tələbə yoldaşları və müəllimləri Şamilin ağırtəbitəli, özünəqapalı tələbə olduğunu söyləyilər. İntihar səbəbi dəqiq məlum olmasa da, onun, sevgi münasibətlərinə görə intihar etdiyi ehtimal olunur.
Qeyd edək ki, Baş Prokurorluğun Mətbuat xidmətinin məlumatına əsasən, dekabrın 20-də 2002-ci il təvəllüdlü Şamil Qarayevin təhsil aldığı Azərbaycan Əmək və Sosial Münasibətlər Akademiyasının yataqxanasının 8-ci mərtəbəsindən özünü ataraq intihar edib.
Hazırda faktla bağlı Binəqədi rayon prokurorluğunda araşdırma aparılır.
