Bakıda 16 yaşlı gənc sinəsindən bıçaqlanıb

Bakının Sabunçu rayonunun Ramana qəsəbəsində bıçaqlanma hadisəsi baş verib.

“Report”un məlumatına görə, mübahisə zəminində bıçaqlanan 2006-cı il təvəllüdlü Məmmədov Rəsul Rauf oğlu təcili tibbi yardımın köməkliyi ilə xəstəxanaya çatdırılıb.

Müayinə zamanı ona döş qəfəsinin bir ədəd kəsilmiş-deşilmiş bıçaq yarası diaqnozu qoyulub.

Yaralı əməliyyat olunub və reanimasiya şöbəsinə yerləşdirilib.

Hadisənin təfərrüatı araşdırılır.