Sərnişin avtobus sürücüsünü döyüb
Dərc olunub:
18-07-2022, 10:45
Bakının Sabunçu rayonunda avtobusda dava düşüb.
Avrasiya.net APA-ya istinadən xəbər verir ki, hadisə ötən axşam saat 23:00-da Zabrat qəsəbəsində qeydə alınıb.
118B marşut xətti üzrə hərəkət edən sərnişin avtobusunun sürücüsü, 1977-ci il təvəllüdlü Qorçiyev Əziz Cəmil oğlu avtobusda olan sərnişinlə mübahisə edib.
Mübahisə zamanı sürücü döyülərək ağır bədən xəsarətləri alıb. O, 3 nömrəli xəstəxananın reanimasiya şöbəsinə yerləşdirilib.
Mübahisənin səbəbi hələ ki məlum deyil.
Faktı Sabunçu Rayon Polis İdarəsinin əməkdaşları araşdırır.