DİN Şabrandakı qəza ilə bağlı məlumat yaydı
Dərc olunub:
7-07-2022, 11:07
Daxili İşlər Nazirliyi (DİN) dünən Şabranda 3 nəfərin öldüyü qəza ilə bağlı məlumat yayıb.
Nazirliyin mətbuat xidmətindən Avrasiya.net-ə verilən xəbərə görə, iyulun 6-da saat 16 radələrində Şabran rayonunun Gəndob kəndi ərazisində rayon sakini Aydın Məmmədovun idarə etdiyi “VAZ-21074” və Xaçmaz şəhər sakini Nazim Səlimovun idarə etdiyi “VAZ-21061” markalı avtomobillər toqquşub. Nəticədə hər iki sürücü və N.Səlimovun sərnişini olan həyat yoldaşı Üzülfət hadisə yerində ölüblər.
Baş İstintaq və Təhqiqat İdarəsi tərəfindən araşdırma aparılır.