Gənc qızın itkin düşməsinin bəzi təfərrüatı
Dərc olunub:
22-11-2021, 10:29
Cəlilabadda 16 gün əvvəl 20 yaşlı qızın itkin düşməsinin təfərrüatı məlum olub.
Avrasiya.net xəbər verir ki, Moranlı kənd sakini, 2001-ci il təvəllüdlü Zəkirə Nadir qızı Mirzəyeva bu il noyabrın 6-da rayon mərkəzində itkin düşüb.
Anası Sevinc Quliyeva Report-a bildirib ki, həmin gün qızı Zəkirə ilə birlikdə paltar almaq üçün bazara gediblər.
Onlar alış-veriş edərkən Z.Mirzəyeva nəyəsə reaksiya verərək əsəbləşib və əsəbi halda bazardan uzaqlaşıb.
Ana qızını çox axtarsa da, tapa bilməyib. Sevinc Quliyevanın sözlərinə görə, qızı bir neçə il öncə psixi travma alıb. Onun dili tutulub. Buna görə əsəbləri tam pozulub. Z.Musayeva Lənkəranda bu xəstəlikdən müalicə olunub.
Qeyd edək ki, Z.Mirzəyeva 15 gündür polis tərəfindən axtarılır.
