Azərbaycanda şok: ana oğluna işgəncələr verib - Video
Bərdə rayonunun H.Əliyev prospektində yerləşən çoxmənzilli binada yaşayan 7 yaşlı oğlan yanıq xəsarətləri ilə Bərdə Mərkəzi Xəstəxanasına yerləşdirilib.
Avrasiya.net Xəzər TV-yə istinadən xəbər verir ki, azyaşlı anası Raya Həsənovanın onun qollarına qızdırılmış qaşıq basdığını deyib. Uşağın qolları yanıb, bədənində müxtəlif xəsarət izləri var.
Azyaşlı bildirib ki, anası bu hərəkəti onu cəzalandırmaq üçün edib.
7 yaşlı uşaq anasının qeyri-rəsmi yaşadığı və məsələdə adı hallanan Mahmud Mehralıyev tərəfindən də dəfələrlə zorakılığa məruz qaldığını deyib.
Hazırda onun müalicələri davam etdirilir. Hadisə ilə bağlı hüquq-mühafizə orqanlarına məlumat verilib. Azyaşlının anası Raya Həsənova polis şöbəsinə aparılıb. Onun xalası Sevinc Fərəcova hadisənin başvermə səbəbini açıqlayıb.
Faktla bağlı aidiyyəti qrumlar tərəfindən araşdırmalar davam etdirilir.