Tramp Aİ-yə Çin və Hindistana qarşı rüsumları 100% artırmağı təklif edir
ABŞ prezidenti Donald Tramp Ukraynadakı münaqişənin həlli üçün Rusiyaya təzyiqi artırmaq məqsədilə Avropa İttifaqını Çin və Hindistana qarşı rüsumları 100% artırmağa çağırıb.
APA xəbər verir ki, bu barədə adı açıqlanmayan üç mənbəyə istinadən “Financial Times” qəzeti məlumat verib.
Məlumata görə, Tramp bu təklifi Moskvaya təzyiq göstərmək üçün birgə tədbirləri müzakirə etmək məqsədilə Vaşinqtonda toplaşan ABŞ və Aİ rəsmiləri arasında keçirilən görüşdə iştirakı zamanı deyib.
Ehtimal olunur ki, Aİ belə addım atmağa hazır olsa, ABŞ Rusiyaya qarşı sanksiyaları gücləndirə bilər.
"Biz indi hərəkət etməyə hazırıq, hərəkətə keçməyə hazırıq, lakin bunu yalnız digər avropalı tərəfdaşlar bizimlə birgə tədbirləri gücləndirsələr, edəcəyik", - deyə mənbələrdən biri bildirib.
