Şimali Koreya Rusiyaya daha 6 min hərbçi göndərir

Yaxın vaxtlarda Şimali Koreya Rusiyaya 6 min əlavə hərbçi göndərməyi planlaşdırır.

Axar.az xəbər verir ki, bunu Ukrayna Baş Kəşfiyyat İdarəsinin rəhbəri, general-leytenant Kirill Budanov deyib.

Onun sözlərinə görə, Şimali Koreya 50-100 ədəd M2010 tankları və BTR-80 zirehli transportyorları da göndərmək niyyətindədir:

“Bütün hərbi texnika və qoşunların xərclərini Kreml ödəyir. Söhbət on milyardlarla dollardan gedir və dünyanın ən təcrid olunmuş iqtisadiyyatlarından biri olan Şimali Koreya iqtisadiyyatı üçün bu, böyük puldur”