"NATO-nun şərqə doğru irəliləməsi dayanıb"
NATO-nun şərqə doğru irəliləməsi dayanıb və bərpa olunmayacaq.
Bunu TASS-a müsahibəsində ABŞ Dəniz Piyadaları Korpusunun keçmiş kəşfiyyat analitiki və İraqın kütləvi qırğın silahları üzrə BMT Xüsusi Komissiyasının keçmiş müfəttişi Skott Ritter bildirib.
"Mən hesab edirəm ki, NATO-nun şərqə doğru genişlənməsi artıq dayanıb və bərpa olunmayacaq. Bilirsiniz, hətta Rusiya bu məsələdə reqressiyadan danışmır və bu, mənə elə gəlir ki, Rusiya hökuməti reallığı anlayır: nə qədər ki, NATO var, indiki konfiqurasiyasında da mövcud olacaq", - o deyib.
Ritter Sovet İttifaqının ilk prezidenti Mixail Qorbaçovun Almaniyanın birləşdirilməsi ilə bağlı danışıqlar apardığı şərtləri xatırladıb: şərqdən bir qarış da yox. "NATO genişlənməməli idi. Almaniyanın birləşməsindən sonra belə heç bir qoşun Şərqi Almaniyaya daxil olmamalı idi. Bununla belə, NATO genişləndi və indi bizim Polşada Amerika qoşunlarımız var", - o, davam etdi.
