Çin Kallasa xəbərdarlıq edib

Çinin xarici işlər naziri Vanq Yi Avropa diplomatiyasının rəhbəri Kaja Kallasa Pekinin Çin banklarının Aİ-nin sanksiyalar siyahısına daxil edilməsinə reaksiyası ilə bağlı xəbərdarlıq edib.

Avrasiya.net xəbər verir ki, TASS, South China Morning Post-un müvafiq nəşrinə diqqət çəkib.

Bildirilir ki, Vang Yi iyul ayında keçirilən görüşdə Kallasa "üç və ya dörd dəfə" cavab tədbirləri barədə xəbərdarlıq edib.

Sözügedən maliyyə qurumları, SCMP-nin aydınlaşdırdığı kimi, Suifenhe Kənd Kommersiya Bankı və Heihe Kənd Kommersiya Bankıdır.

Yada salaq ki, cümə günü, iyulun 18-də Avropa İttifaqının 18-ci anti-Rusiya sanksiyalar paketi ilə bağlı razılığa gəldiyi məlum olub. Məhdudlaşdırıcı tədbirlərin siyahısına, xüsusən də ixrac olunan neftin maksimal qiymət səviyyəsinin aşağı salınması, fiziki və hüquqi şəxslərin “qara siyahıları”nın genişləndirilməsi, həmçinin “Şimal axını” qaz kəmərlərinə məhdudiyyətlər daxildir.
Bir neçə Çin bankı da məhdudiyyətlərə məruz qalıb.