"Bu, israillilərin səhvi idi"
Dərc olunub:
18-07-2025, 08:26
ABŞ prezidenti Donald Tramp İsrail ordusunun Qəzza zolağında kilsəni atəşə tutması ilə bağlı İsrailin baş naziri Binyamin Netanyahu ilə telefonla danışıb. Bu barədə Ağ Evin mətbuat katibi Caroline Leavitt bildirib.
O, İsrail Müdafiə Qüvvələrinin (IDF) Qəzzada Müqəddəs Ailə Kilsəsini atəşə tutması xəbərini Trampın necə qəbul etdiyi ilə bağlı sualı cavablandırarkən, "Bu müsbət reaksiya olmadı" dedi. "O Qəzzada kilsəyə edilən hücumlarla əlaqədar bu səhər baş nazir Netanyahuya zəng edib", - Leavitt bildirib.
"Bu, israillilərin səhvi idi" dedi. Ağ Evin sözçüsü əlavə şərh vermədən əlavə edib: "Baş nazir bunu prezidentə təqdim edib".
