"ABŞ-in növbəti cavabı İranın və Xameneinin taleyini həll edə bilər"

Dünənki yazımda qeyd etmişdim ki, ABŞ-ın İranın nüvə obyektlərinə zərbələrinə söz verdiyi cavab zərbəsi əhəmiyyətli və təsirli olmayacaq. İran bu gün ABŞ-ın Suriyada, İraqda, Bəhreyn, Küveyt və BƏƏ hərbi bazalarına xəbərdarlıq etdikdən sonra raket zərbələri dağıdıcı nəticə əldə etmək üçün yox, ABŞ-a cavab faktın qeydiyyatı üçün həyata keçirib. İranın regionda ABŞ bazalarına hücumdan sonra, verilən məlumatlara görə, bütün raketlər vurulub və heç bir itki qeydə alınmayıb.

İranın ABŞ-ın regiondakı bazalarına cavab zərbələri daxili və xarici imicini qorumaq üçün məcburi addım kimi, formal xarakterlidir. Ancaq, ABŞ İranın bu "cəsarətinə" ağır cavab vermək məcburiyətinə düşüb. ABŞ-ın bu növbəti cavabı İranın və Xameneinin taleyini həll edə bilər. İran üçün geriyə sayım başladı və İranı fəlakətdən qurtarmaq artıq İran diplomatlarının bacarığına, vasitəçilərin istəyinə bağlıdır.

Vüqar Dadaşov