ABŞ-də aksiya zamanı terror törədildi - Yaralananlar var
Dərc olunub:
2-06-2025, 11:07
ABŞ-də israilli girovlara dəstək aksiyası zamanı insident baş verib.
CNN xəbər verir ki, aksiya zamanı naməlum şəxs izdihamın üzərinə tez alışan maye şüşələri atıb.
Hadisə Boulder şəhərində (Kolorado ştatı, ABŞ) qeydə alınıb. Nəticədə azı iki nəfər yanıq xəsarətləri alaraq xəstəxanaya çatdırılıb. Etirazçıların qalan hissəsi yüngül xəsarət alıb.
Qeyd edək ki, hücum yəhudi icmasının "Həyatları üçün qaçış" adlı müntəzəm həftəlik tədbiri zamanı baş verib. Bu aksiyanın heç bir siyasi motivi yoxdur və diqqəti humanitar böhrana cəlb etmək məqsədi daşıyır.
Şübhəli dərhal hadisə yerində saxlanılıb. Hüquq-mühafizə orqanlarının məlumatına görə, Federal Təhqiqatlar Bürosu (FTB) hadisəni qəsdən terror aktı kimi təsnif edir.
