HƏMAS-ın 600 döyüşçüsü mühasirədə

İsrail ordusu Qəzzanın şimalında, Cəbəliyədə HƏMAS-ın 600 döyüşçüsünü mühasirəyə alıb.

Bu barədə İsrail ordusu açıqlama yayıb.

Bildirilib ki, yüksək səviyyəli əməliyyatçılar da daxil olmaqla, yüzlərlə terrorçu tələyə salınıb:

“Qəzza zolağında qalan terrorçular Cəbəliyəyə toplaşıb. İsrail hərbçiləri ərazini mühasirəyə alıb, mülki əhalini təxliyə edib və terrorçuları təcrid edib, qaçmalarının qarşısını alıb. Düşərgəni üç briqada mühasirəyə alıb”.

Qeyd edilib ki, təxminən 600 terrorçu təslim olub, yüzlərlə terrorçu isə məhv edilib.