ABŞ Senatı 430 milyard dollarlıq planı təsdiqlədi
ABŞ Senatı iqlim dəyişikliyi ilə mübarizə və səhiyyəyə investisiyaları, eləcə də vergi islahatları ilə bağlı qanun layihəsini qəbul edib.
Avrasiya.net xəbər verir ki, bu barədə "The Hill" nəşri məlumat yayıb.
ABŞ prezidenti Co Baydenin 430 milyard dollarlıq planı 51 demokrat senator tərəfindən dəstəklənib. Müzakirələr gecə və səhərə qədər davam edib, yuxarı palataya rəhbərlik edən vitse-prezident Kamala Harrisin həlledici səsi ilə qanun qəbul edilib.
Bayden sənədin qəbulunu alqışlayıb və demokratlara dəstəyə görə təşəkkür edib. Prezident qanunu imzalaya bilməsi üçün Nümayəndələr Palatasını qanun layihəsini mümkün qədər tez qəbul etməyə çağırıb.
Prezident administrasiyası sənədi “İnflyasiyanın azaldılması haqqında qanun” adlandırır. Buraya təmiz enerji və iqlim dəyişikliyi məqsədləri üçün 370 milyon dollar, dərmanların və tibbi sığortanın dəyərinin azaldılmasına isə 64 milyard dollar daxildir.