İsrail təsdiqlədi: atəşkəs bu tarixdə qüvvəyə minəcək

İsrail Qəzzada atəşkəsin elan edilməsilə bağlı Misirin təklifinə razılıq verib.

Avrasiya.net xəbər verir ki, bu barədə “Röyters” məlumat yayıb.

“Misirdəki mənbə təsdiq edir ki, İsrail Qahirənin atəşkəs təklifinə razılıq verib. İndi Misir Fələstinin cavabını gözləyir”, - agentlik bildirib.

Qeyd edək ki, Misir Prezidenti Əbdülfəttah Sisi Qəzza zolağında sabitliyin bərqərar olması üçün böyük səy göstərdiklərini demişdi.

***

İsrail hakimiyyəti ötən həftənin cümə günündən "İslami Cihad" qruplaşmasına qarşı hərbi əməliyyatların aparıldığı Qəzza zolağında atəşkəs rejiminin yerli vaxtla saat 23:30-da qüvvəyə minəcəyini təsdiq edib.