“Diplomatlarımız təhlükə altındadır” - Elin Süleymanov

“Diplomatlarımız təhlükə altındadır” - Elin Süleymanov“Səfirlik əməkdaşlarının və vətəndaşlarımızın təhlükəsizlik və mühafizəsi bizim əsas prioritetimizdir”.

Avrasiya.net xəbər verir ki, bunu Azərbaycanın Böyük Britaniyadakı səfiri Elin Süleymanov “Twitter“ hesabında yazıb.

“Hazırda Londonda olan Azərbaycan diplomatları təzyiq və təhlükə altında olsa da, işlərini davam etdirirlər”, - səfir deyib.

Qeyd edək ki, avqustun 4-də Azərbaycan Respublikasının Böyük Britaniya və Şimali İrlandiya Birləşmiş Krallığındakı səfirliyi bir qrup radikal dini dəstənin hücumuna məruz qalıb. Səfirliyin binasına daxil olaraq, vandalizm aktı törədən qrup üzvləri binanın eyvanında dini bayraqlar qaldırıb və radikal dini şüarlar səsləndiriblər. Yerli polisin müdaxiləsindən sonra qrup üzvləri binadan çıxarılıb.

Hadisə ilə əlaqədar 8 nəfər saxlanılıb.