Ruslar itki verərək geri çəkildi

Ruslar itki verərək geri çəkildiRuslar Baxmut istiqamətindəki yaşayış məntəqələrinə uğursuz hücum ediblər.

Bu barədə Ukrayna Silahlı Qüvvələrinin Baş Qərargahı məlumat yayıb.

Məlumata görə, rus ordusu Donetsk vilayətində əsas səylərini Baxmut istiqamətində cəmləşdirir:

“Seversk istiqamətində düşmən top və raket artilleriyasından, həmçinin Seversk, Serebryanka və Qriqorovka yaxınlığında tanklardan atəş açıb. Nikiforovka və Tatyanovka yaxınlığında PUA-ların havadan kəşfiyyatı aparılıb. Ruslar Baxmut istiqamətində bölmələrimizi işğal olunmuş xətlərdən sıxışdırıb çıxarmaq üçün Kodema, Semiqorye, Travneve, Vımka, Berestovoye, Baxmutskoye yaşayış məntəqələri ərazilərini artilleriya atəşinə tutub. Semiqorye və Beloqorovka yaxınlığına hava zərbələri endirib. Düşmən Berestovoyenin qərb kənarında irəliləyirdi, lakin uğur qazana bilmədi, geri çəkildi. Eyni vəziyyət Vladimirovka, Yakovlevka və Semiqorye, Kodema istiqamətlərində də müşahidə olunub. Avdeyevka istiqamətində düşmən taktiki mövqeyini yaxşılaşdırmağa çalışıb, lakin uğursuz olub və itkilərlə geri çəkilib”, - məlumatda deyilib.