Ukrayna ordusu hərbi texnikasının yarısını itirib

Ukrayna ordusu hərbi texnikasının yarısını itiribUkrayna ordusunun müharibə dövründə itirdiyi hərbi texnikaların sayı açıqlanıb.

Bu barədə Ukraynanın Quru Qoşunları Komandanlığının maddi-texniki təminat komandiri Vladimir Karpenko bildirib.

Onun sözlərinə görə, fevralın 24-dən bəri davam edən döyüşlərdə Ukrayna ordu hərbi texnikasının yarısını itirib.

"Biz texnikamızın təxminən 50%-i itirmişik. Bundan əlavə, 1300-ə yaxın piyada döyüş maşını, 400 tank və 700 artilleriya sistemi məhv edilib", - Vladimir Karpenko vurğulayıb.

Xatırladaq ki, Ukrayna Baş Qərargahının açıqladığı son statistikaya əsasən, bu günə qədər Rusiya ordusunun 1456 tankı, 3563 zirehli döyüş maşını, 734 artilleriya sistemi, 233 reaktiv yaylım atəş sistemi, 97 hava hücumundan müdafiə sistemi, 215 hərbi təyyarəsi, 180 helikopteri, 2496 nəqliyyat vasitəsi və avtoçən, 13 ədəd gəmi/kateri, 593 ədəd dronu, 129 qanadlı raketi və 55 ədəd xüsusi texnikası sıradan çıxarılıb.