Kim Çenin casus-diplomatları ifşa olundu

Şimali Koreya diplomatları 2012-2013-cü illərdə Çexiyadan Afrika və Çin vasitəsilıə ölkələrinə hərbi məhsullar keçirmək istəyiblər.

Axar.az xəbər verir ki, bu barədə Çexiyanın “Denik N” qəzeti ölkənin ək-kəşfiyyat orqanına istinadla məlumat yayıb.

“Altı aydan çox Çexiyada bir casus romanına bənzər hadisələr baş verdi. Şimali Koreyadan olan diplomatlar Çexiyadan Afrika və Çin vasitəsilə ölkələrinə hərbi məhsullar və PUA-lar keçirməyə cəhd edib. Bu cəhdlər əvvəldən aşkar edilib və respublikasının Təhlükəsizlik və İnformasiya Xidməti (əks-kəşfiyyat) tərəfindən izlənilib”, - qəzet yazıb.

Əks-kəşfiyyat da öz növbəsində faktı təsdiqləyib.

“Məsələ ilə bağlı detalları deyə bilmərəm. Amma ümumilikdə təsdiq edə bilərəm ki, təhlükəsizlik xidməti Çexiyadan Şimali Koreyaya hərbi məhsulların göndərilməsinin qarşısını alıb”, - əks-kəşfiyyatın nümayəndəsi Ladislav Ştixa bildirib.

Koreyalı diplomatlar əsasən T-54, T-55 tankları, bir neçə növdə zirehli texnika, hələ də Şimali Koreyada istifadə olunan L-39 təyyarələrinin ehtiyat hissələri ilə maraqlanıblar.