Dünən Prezident, Ali Baş Komandan İlham Əliyev 8 Noyabr - Zəfər Günü münasibətilə Şuşada hərbçilər qarşısında çıxışı zamanı bir çox subliminal, sətiraltı və ya tam açıq mesajlar verdi. Hər kəs bu mesajlardan özünə lazım olanını və yaxud, özünə aid olanı götürsün. Əlbəttə ki, həmin mesajlar ilk növbədə işğalçı Ermənistana, Azərbaycanın Xankəndi şəhərindəki erməni separatçılarına və bütövlükdə revanşistlərə havadarlıq edən xarici güclərə ünvanlanıb.

Dövlət başçımız hər kəsə konkret mətnlə bildirdi ki, ölkəmizin daxili işlərinə burunlarını soxmasınlar. Qarabağdakı ermənilərin gələcək taleyi ilə bağlı atılası addımlar da bizim daxili işimizdir. Və buna nə Fransanın, nədəki ABŞ və İranın qarışmağa ixtiyarı yoxdur. Hətta Rusiya sülhməramlıları da separatçı ermənilər üçün sipər rolunu, qoruyucu rolunu oynaya bilməzlər. Çünki Qarabağ bizim torpağımızdır və dövlət başçımız da qeyd etdi ki, rus sülhməramlılar orada müvəqqəti yerləşiblər, 2020-ci ilin 10 noyabr Bəyanatında onların müddəti göstərilir. Ona görə də ermənilər heç kimə bel bağlamamalıdırlar.

İlham Əliyevin çıxışında son vaxtlar ölkəmizə qarşı açıq-aşkar düşmənçilik siyasəti yürüdən və sərhədlərimizin yaxınlığında hərbi təlimlər keçirən İran da öz payını aldı. Bəli, bizim sərhədimizdə Ermənistana dəstək olaraq hərbi təlim keçirənlər də bilməlidirlər ki, bizi heç kim qorxuda bilməz. İranın fars-molla rejimi molla təfəkküründən əl çəkib reallıq hissinə qayıtmalı və Azərbaycanın gücünü düzgün qiymətləndirməlidir.

“Məscidləri dağıdan müsəlman ölkələri ilə dost ola bilməz. Məscidləri dağıdana müsəlman ölkələrinin rəhbərləri qucaq aça bilməz, bilər? Onları qucaqlayıb öpə bilər? Bu, riyakarlıqdır, bu, satqınlıqdır. Bunun başqa adı yoxdur”, - deyə bəzi müsəlman ölkələrinin riyakarlığını hədəfə alan Prezidentimizin bu fikirləri də əslində ilk növbədə məhz İrana ünvanlanmışdı. Çünki işğalçı Ermənistanın gəlmiş-keçmiş və hazırkı rəhbərlərini ən sıçaq formada qarşılayan, onları qucaqlayıb öpən də məhz qonşu İran rəhbərləridir.

Azərbaycan Prezidentinin Zəfər çıxışında Ermənistanın bəzi xarici havadarlarının obrazlı dildə banlayan xoruzlarlarla müqayisə edilməsi də lap yerinə düşdü. Belə ki, İlham Əliyev açıq şəkildə bəyan etdi ki, Ermənistanın bəzi xarici havadarları bizi nədəsə günahlandırmaq istəyirlər, lakin onların cavabı verilib və yenə də nəsə banlasalar, yenə də cavablarını veriləcək.

Dövlət başımızın “Biz ədalətli insanlarıq və ədalətli ölkəyik, biz sülh istəyirik” sözləri əslində xalqımızın böyüklüyünü, müdrikliyini, dövlətimizin sülhpərvərliyini ən yaxşı şəkildə tərənnüm və təcəssüm etdirən mükəmməl açıqlamadır. Azərbaycanı, Azərbaycan xalqını yaxından tanımaq istəyən hər bir kəs üçün bu bircə cümləni diqqətlə nəzərdən keçirmək, zənnimcə, yetərlidir. Daim təcavüzkarlığa, terrrorçuluğa, separatçılığa meylli olan ermənilərdən fərqimiz və üstünlüyümüz də elə bundadır.

Bizim gücümüz sülhsevərliyimizdədir. Prezident İlham Əliyev əksər çıxışlarında olduğu kimi bu çıxışında da Ermənistan rəhbərliyini ədalətli sülhə çağırdı və növbəti dəfə xəbərdarlıq etdi: “Ermənistan yaxşı qonşuluq siyasəti aparmaq istəyirsə, birincisi, 2020-ci ilin 10 noyabr Bəyanatının bütün müddəalarını yerinə yetirməlidir. Azərbaycanla sülh üzrə aparılan danışıqlarda səmimi olmalıdır. Süni şəkildə vaxt uzatmamalıdır, hansısa möcüzəni gözləməməlidir ki, kimsə gəlib bunların yerinə vuruşacaq. Heç kim gəlib onların yerinə vuruşmayacaq, gəlib vuruşsa da, qarşısında yenə də Azərbaycan Ordusunu görəcək”.

İlham Əliyevin bu xəbərdarlıq və ismarıcları yəqin ki, öz müsbət nəticələrini verəcək. Qan tökülməsini istəməyən qüvvələr Azərbaycan Prezidentinin bu çağırışlarını düzgün dəyərləndirməli və Ermənistanı revanşizmdən, pozucu davranışlardan çəkindirməyə çalışmalıdırlar.

Əlisahib Hüseynov,
Milli Həmrəylik Partiyasının sədri

Müdafiəni Dnepr çayının sol sahili boyunca təşkil etmək məqsədəuyğundur.

Bunu Rusiyanın Ukraynadakı qoşunlarının komandanı, ordu generalı Sergey Surovikin müdafiə naziri Sergey Şoyquya məruzəsində deyib.

“Dnepr çayının sol sahilində müdafiə qərarı asan deyil, eyni zamanda biz hərbçilərimizin həyatını və qoşunun döyüş qabiliyyətini xilas edəcəyik”, - Surovikin bildirib.

Sergey Şoyqu da Surovkinə qoşunları Dneprin sol sahilə çəkməsinə icazə verib.

“Qoşunların köçürülməsinə başlayın!” - Şoyqu bildirib.

Qeyd edək ki, Şoyqunun ötən gün "xüsusi əməliyyat"ın keçirildiyi əraziyə getdiyi haqda məlumat yayılmışdı.

Ölkənin ali dini lideri Əli Xamenei əmr verərsə, İran ordusu iğtişaşları yatırmağa hazırdır.

Bunu İran Quru Qoşunlarının briqada generalı Kəyumərs Heydəri deyib.

“Əgər indi bu insanlarla hakim dairələrin tələb etdiyi kimi davranılmırsa, bu, Ali Baş Komandanın qərarıdır. Lakin iğtişaşçılarla məşğul olmaq əmrini verən kimi bu ölkədə onlara sığınacaq qalmayacaq”, - Heydəri bildirib.

Azərbaycan Mətbuat Şurası sosial şəbəkə istifadəçilərinə və vətəndaş mediası fəallarına müraciət edib.

Mətbuat Şurasından daxil olan müraciətdə deyilir:

“Əziz dostlar! İnternet və multimedia şəbəkəsinin əhatə dairəsinin böyük sürətlə genişlənməsi, müasir texnologiyaların yaratdığı sonsuz imkanlar dünyanın hər yerində olduğu kimi, Azərbaycanda da yeni informasiya mühiti formalaşdırıb. Çağdaş dövrün əsas platformaları olan sosial şəbəkələr və vətəndaş mediası bu gün cəmiyyətin məlumatlandırılmasında əhəmiyyətli rol oynayır. Bu platformalardakı ayrı-ayrı səhifələr, populyar şəxslər, blogerlər və ən fərqli düşüncəyə sahib sosial şəbəkə istifadəçiləri hər gün əhali qruplarında maraq doğuran məlumatlar yaymaqla, müxtəlif mövzuları gündəmə gətirməklə azad informasiya və diskussiya şəraitini genişləndirir, cəmiyyət həyatının fəal iştirakçılarına çevrilirlər.

Təcrübə göstərir ki, sosial şəbəkələr və vətəndaş mediası dərk olunmuş məsuliyyətə əsaslandıqda söz və ifadə azadlığına önəmli töhfələr verir, ictimai düşüncə palitrasını zənginləşdirir. Deyilənlərlə yanaşı, təəssüf ki, bu platformalarda bəzi şəxslər azad mühitin imkanlarından sui-istifadə edərək etik qaydaları pozur, aşırı aqressiya və qərəz sərgiləyir, böhtan və təhqirə, vulqar ifadələrin işlədilməsi hallarına yol verir, kin və nifrət təbliğatçılarına çevirilirlər. Belə davranış tərzi verilən məlumatların ictimai çəkisini heçə endirməklə bərabər, ölkəmizin informasiya məkanına neqativ ab-hava gətirir, hətta bəzi hallarda hüquqi məsuliyyət yaradır.

Özünütənzimləmə qurumu olaraq Azərbaycan Mətbuat Şurası üçün informasiya müstəvisində cəza mexanizmlərinin dövriyyəyə girməsi birmənalı qaydada arzuedilməzdir. Deyilənləri nəzərə alaraq, biz bütün sosial media mənsublarını, bu platformanın fəallarını insanların şərəf və ləyaqətini qorumağa, şəxsi həyatın toxunulmazlığı prinsipinə hörmətlə yanaşmağa, cinayət, zorakılıq, qəddarlıq və intihar hallarının təşviqinə yol verməməyə, söyüş və vulqar ifadələrin işlədilməsindən çəkinməyə, uşaqların şəxsi həyatı barədə məlumatları yaymamağa, onları zədələyən, mənəvi-psixoloji durumuna mənfi təsir göstərə biləcək zərərli bilgiləri paylaşmamağa, terror, xurafat və cəhalət təbliğatçılarına qarşı barışmaz olmağa, bir sözlə, ölkə jurnalistlərinin VIII qurultayının qərarı ilə təkmilləşdirilmiş “Azərbaycan Jurnalistlərinin Etik Davranış Qaydaları”ndakı müddəalara riayət etməyə çağırırıq.

Mətbuat Şurası etik dəyərlərə əməl olunmasına dair çağırışına səmimi yanaşılacağına, qurumun ictimai missiyasına həssas münasibət göstəriləcəyinə inanır, informasiya cəmiyyətinin bütün iştirakçılarına fəaliyyətlərində uğurlar arzulayır”.

Xəbər verdiyimiz kimi, məşhur meyxanaçı Rəşad Dağlı İsgəndər Mehdiyev adlı şəxsi bıçaqla çoxsaylı xəsarətlər yetirərək qətlə yetirib.

Axar.az xəbər verir ki, Baku TV-nin əməkdaşı hadisənin təfərrüatını araşdırmaq üçün İ.Mehdiyevin yaşadığı ünvana gedib.

İ.Mehdiyevin qardaşı hadisənin hansı səbəbdən baş verdiyini bilmədiyini deyib:

“Qardaşım oktyabrın 26-da həbsdən çıxmışdı. Rəşadla aramız yaxşı olub. Səhər Rəşad gəlib İskəndəri qapıdan apardı. Sonra da eşitdik ki, belə hadisə baş verib. Hadisənin səbəblərini bilmirik. Subay idi. Anasının 40 mərasimini yenicə keçirmişdik.

Dost və qardaş Azərbaycan xalqını və dövlətini Şuşanın alınması‚ Zəfər bayramı və 9 Noyabr Milli Bayraq günü münasibətilə təbrik edirik.

2020-ci ilin 44 günlük ikinci Qarabağ müharibəsində Azərbaycan əsgərinin igidliyi sayəsində 30 ilə yaxın işğalda qalmış Azərbaycan torpaqları erməni işğalından azad edilmişdir. 2020-ci ilin Noyabrın 8-də Şuşa şəhərinin işğaldan azad edilməsi ilə Ermənistan məğlub olduğunu anlayaraq Kapitulyasiya imzalamağa məcbur oldu. Şuşa şəhərinin işğaldan azad edilməsi 44 günlük müharibənin taleyini həll etdi və Azərbaycanın​ parlaq qələbəsində açar rolunu oynadı. Odur ki‚ Azərbaycanın işğalçı Ermənistan üzərindəki qələbəsində ən mühüm amil məhz Şuşa şəhərinin azad edilməsi olmuşdur. Şuşa məhz artilleriyasız‚ əlbəyaxa döyüşdə azad edilmişdir. Bu isə Azərbaycan əsgərinin igidliyinin və məğlubedilməzliyinin göstəricisi idi.​
Yəhudi xalqı tarix boyu Azərbaycan xalqının yanında olub. 44 günlük müharibədə də bütün Yəhudi xalqı​ qardaş Azərbaycan xalqının yanında oldu.
Azərbaycanın qələbəsi və sevinci yəhudi xalqının qələbəsi və sevincidir.

Biz‚ hər zaman qardaş Azərbaycan xalqının və dövlətinin yanındayıq.

Bu gün‚ 2020-ci ildəki 44 günlük müharibədə qazanılan möhtəşəm və şanlı qələbədən 2 il ötür. Bu şanlı qələbə münasibətilə bütün dost və qardaş Azərbaycan xalqını təbrik edir‚ Azərbaycan xalqına və dövlətinə daim zəfər‚ qələbə sevinci arzu edirik. Azərbaycanın​ suverenliyi‚ ərazi bütövlüyü və təhlükəsizliyi daimi‚ əbədi və sarsılmaz olsun.

Qələbəniz və zəfəriniz mübarək olsun əziz Azərbaycan xalqı. AMİN​

İsrail Təhlükəsizlik Akademiyasının
Azərbaycan Respublikasındakı
Nümayəndəliyi​ ​

Ərəb ölkələrinin qəzet və portallarında 8 Noyabr – Azərbaycanın Zəfər Günü haqqında məqalələr dərc edilib.

AZƏRTAC xəbər verir ki, Misir, Əlcəzair, Səudiyyə Ərəbistanı, Suriya, İordaniya, İraq və Livanın “Rayetmısr”, “Yeni dünya xəbərləri”, Əxbar Əl Yom”, “Asiaelyoum”, “Nayrouz”, “Qarb” və s. qəzet və portallarında Misir-Azərbaycan Dostluq Cəmiyyətinin sədri, tədqiqatçı-alim Seymur Nəsirovun Zəfər Gününə həsr olunmuş geniş məqaləsi yayımlanıb. Müəllif qeyd edib ki, Azərbaycan Prezidenti, Müzəffər Ali Baş Komandan İlham Əliyevin təmkinli və müdrik siyasəti sayəsində güclü iqtisadi potensial və qüdrətli Orduya malik olan Azərbaycan Silahlı Qüvvələri cəmi 44 gün ərzində işğalçı Ermənistanı kapitulyasiya aktı imzalamağa məcbur etdi. Misir ictimaiyyətinin diqqətinə çatdırılıb ki, rəsmi Bakı müharibədən sonra Cənubi Qafqaz regionunda yaranmış yeni reallıq fonunda sülhpərvər missiyasını davam etdirir və işğaldan azad olunmuş ərazilərində ermənilərin viran qoyduqları şəhər və kəndləri, o cümlədən məscidləri bərpa edir.

Küveytin “Dasman” nəşrində dərc olunmuş “Prezident İlham Əliyev Azərbaycanı Zəfərə qovuşdurdu” sərlövhəli məqalədə 44 günlük Vətən müharibəsində şanlı Ordumuzun tarixi Qələbəsi, dövlətimizin başçısının uzaqgörən siyasəti və böyük sərkərdəlik məharətindən bəhs edilib. Yazıda diqqətə çatdırılıb ki, işğalçı Ermənistan üzərində Qələbə qazanan Azərbaycanın azad olunmuş ərazilərində irimiqyaslı bərpa-quruculuq işləri aparılır və 30 il əvvəl doğma yurdlarından didərgin düşmüş azərbaycanlılar öz evlərinə qayıdırlar.

İordaniyanın “Əl Ənbat” qəzeti və “Nayrouz” agentliyinin saytında Zəfər Günü ilə bağlı Azərbaycanın bu ölkədəki səfiri Eldar Səlimovun məqaləsi yayımlanıb. Diplomat İkinci Qarabağ müharibəsində Ordumuzun şanlı Zəfəri, Silahlı Qüvvələrin Müzəffər Ali Baş Komandanın müdrik siyasəti, rəsmi Bakının regionda dayanıqlı sülhə nail olunması və nəqliyyat dəhlizlərinin açılması istiqamətində səyləri barədə ətraflı məlumat verib.

Tədbirdə rayon İcra Hakimiyyətinin başçısı Rafiq Quluyev, Milli Məclisin deputatları Mixail Zabelin, Qüdrət Həsənquliyev, Etibar Əliyev, Xətai rayon prokuroru Sərdar İmanov, YAP Xətai rayon təşkilatının sədri Vüqar Rəhimzadə, Vətən Müharibəsi Qəhrəmanları Anar Mirzəyev, Zaur Quliyev, Raqif İsrailov, Nizami Mövlanov, Xalq artisti şəhid atası Əli Nur, rayon Ağsaqqallar Şurasının sədri Mürvət Əsgərov, şəhid ailələri, qazilər iştirak ediblər.

Tədbirdə torpaqlarımızın bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib. H.Əliyev adına Hərbi İnstitun orkestri Azərbaycanın Dövlət Himnini səsləndirib.

Tədbirdə çıxış edən Xətai rayon İcra Hakimiyyəti başçısı Rafiq Quluyev Zəfər Günü münasibətilə hər kəsi təbrik edərək qeyd edib ki, Müzəffər Ali Baş Komandan cənab İlham Əliyevin müdrik rəhbərliyi, böyük siyasi iradəsi, möhtəşəm diplomatik addımları ilə Azərbaycan Silahlı Qüvvələrinin Vətən müharibəsində böyük qələbə qazanması və ölkəmizin ərazi bütövlüyünün təmin edilməsi müasir tariximizin ən parlaq və şanlı səhifəsidir.

Digər çıxış edənlər vurğulayıblar ki, hərb tariximizin şərəfli səhifəsi olan və bizi qələbə zirvəsinə ucaldan 44 günlük Vətən müharibəsində Ali Baş Komandan İlham Əliyevin rəhbərliyi ilə xalqımızın qeyrətli və vətənpərvər oğulları erməni işğalçılarını məğlub etdilər, torpaqlarımızın düşmən tapdağında qalmasına son qoydular, uzun illər qədəmimizin dəymədiyi, nəfəsimizin toxunmadığı, həsrətini çəkdiyimiz yurdlarımızda üçrəngli bayrağımızı qaldırdılar.

Çıxışçılar həmçinin dövlət tərəfindən şəhid ailələri, müharibə əlilləri və hərbi qulluqçulara göstərilən diqqət və qayğıdan danışıb, buna görə ölkə rəhbərinə təşəkkürlərini bildiriblər. Tədbirdə tanınmış incəsənət ustalarının ifasında vətənpərvərlik mövzusunda mahnılar səsləndirilib.

Tədbirdə həmçinin şəhid Seymur Baxışovun 12 yaşı tamam olan oğlu Amin Baxışovun doğum günü də qeyd edilib. Bu münasibətlə tort kəsilib, iştirakçılar Amini təbrik ediblər.

Sonda şəhid ailələrinə şəhidlərin şəkilləri əks olunmuş xatirə suvenirləri təqdim olunub.

Ermənistan xüsusi xidmət orqanı nümayəndələrinə casusluq edən Azərbaycan vətəndaşı Aydın Zəkiyevin etirafları yayımlanıb.

Avrasiya.net xəbər verir ki, bu barədə görüntülər Xəzər TV-də yayımlanan və Dövlət Təhlükəsizliyi Xidmətinin fəaliyyətindən bəhs edən “Qartal Zirvədə” sənədli filmində yer alıb.

Qeyd edək ki, Aydın Zəkiyev ötən ilin oktyabrında DTX tərəfindən saxlanılıb. Həyata keçirilmiş əməliyyat-istintaq tədbirləri nəticəsində Azərbaycan vətəndaşı 1970-ci il təvəllüdlü Zəkiyev Aydın Zəki oğlunun Azərbaycanın suverenliyi, ərazi toxunulmazlığı, dövlət təhlükəsizliyi və müdafiə qabiliyyətinin zərərinə casusluq edərək Ermənistan xüsusi xidmət orqanı nümayəndələrinə Azərbaycana qarşı düşmənçilik fəaliyyəti aparmaqda kömək göstərməklə dövlətə xəyanət etməsinə əsaslı şübhələr müəyyən edilib.

Həmçinin onun digər şəxslərin həmin xüsusi xidmət orqanı ilə məxfi əməkdaşlığa cəlb edilməsində vasitəçilik etməsi barədə tapşırıq aldığı təsbit olunaraq saxlanılmaqla cinayətkar əməllərinin qarşısı alınıb.

Rusiya Təhlükəsizlik Şurasının katibi Nikolay Patruşev İrandan daha çox pilotsuz uçuş aparatları və raketlər almaq üçün Tehrana gedib.

Avrasiya.net xəbər verir ki, bunu politoloq Elxan Şahinoğlu sosial şəbəkə hesabında yazıb.

"Rusiya Təhlükəsizlik Şurasının katibini iqtisadi heyətin müşayiət etməsi aldığı hərbi texnikanın qarşılığında nə qədər maliyyə ödəyəcəyi ilə bağlıdır. Rusiya onsuz da gərgin günlər yaşayan və beynəlxalq aləmdən təcrid olunan İranı daha çox bataqlığa sürükləyir. İran dronlarının Ukrayna şəhərlərini və mülki insanları hədəf götürməsi Tehran üçün nəticəsiz qalmayacaq. Bunu İran hakimiyyəti içərisində anlayanlar da var, sadəcə İslam Keşikçiləri Koprusundan qorxduqları üçün səsləri çıxmır, “Ukraynada işğalçı müharibə aparan Rusiyaya hərbi texnika vermək düzgün deyil” deyə bilmirlər", - deyə politoloq vurğulayıb.

Qeyd edək ki, Rusiya Təhlükəsizlik Şurasının katibi Nikolay Patruşev İran Milli Təhlükəsizlik Şurasının (MTŞ) katibi, kontr-admiral Əli Şəmxaninin rəsmi dəvəti ilə Tehrana səfər edib. Səfər zamanı Patruşevin İranın yüksək səviyyəli siyasi və iqtisadi nümayəndələri ilə görüşləri nəzərdə tutulub. İrana səfərdə Patruşevi iqtisadi nümayəndə heyəti müşayiət edib.