İctimai TV və Radionun yeni mövsümdə planları açıqlandıİctimai Televiziya yeni mövsümə start verir. Bu mövsümdə ölkəmizdə və beynəlxalq aləmdə ictimaiyyətin böyük maraqla izlədiyi, xüsusən futbolsevərlərin həvəslə gözlədiyi, 4 ildən bir keçirilən futbol üzrə Dünya Çempionatı ölkəmizdə eksklüziv olaraq İctimai Televiziyada yayımlanacaq. Bu çempionat tarixdə ilk dəfə payız-qış aylarında, 20 noyabr-18 dekabr tarixlərində Qətərdə baş tutacaq. Həmçinin idman həvəskarları 5-6 noyabr tarixlərində Bakıda təşkil olunacaq güləş üzrə Dünya Kubokunu da İctimai TV-dən izləyə biləcək. Mövsümün sonuna kimi isə İngiltərə premyer liqasında hər turun 2 ən maraqlı qarşılaşması canlı yayımda futbol azarkeşlərinə təqdim olunacaq. Yeri gəlmişkən, ölkə idmanında baş verən maraqlı hadisələr hər həftənin bazar ertəsi "Bol idman"da müzakirə olunacaq.

Beynəlxalq lisenziyalı layihələrdən İctimai TV-də “Səs Azərbaycan. Doğma nəğmələr” teleşousunun bu mövsüm premyerası olacaq: “Burada yalnız Azərbaycan mahnıları ifa ediləcək. Bir neçə ay ərzində tamaşaçılar son dərəcə maraqlı, dünyaca məşhur televiziya formatının yerli versiyasını izləyə biləcək”. Əyləncəli-musiqi proqram olan “The Masked Singer” (Türkiyədə “Maske Kimsin Sen?”, Rusiyada isə ŞOU “MASKA”) beynəlxalq layihəsi də mövsüm ərzində İTV-nin efirində olacaq.

İctimai TV-nin digər yeni layihələrindən “Savaş şəhəri” hərbi yarış proqramı, "Yaxşı həkim" sağlamlıq verilişi, “Kainat necə qurulub?” maarifləndirici veriliş, “Şənbə axşamı” məlumatlandırıcı-əyləncə proqram, “Rakadarum” musiqili proqram geniş ictimaiyyət üçün maraqlı olacaq. “Camaat nə deyir?” əyləncəli proqramının isə yeni buraxılışları yayımlanacaq.
Tamaşaçıların həvəslə izlədiyi beynəlxalq lisenziyalı layihələrdən “Milyonçu”, “61!”, “Breyn-rinq”, “Nə? Harada? Nə zaman?” kimi intellektual proqramlar bu mövsüm də nümayiş etdiriləcək.

İctimai Televiziyanın efirində hərbi-vətənpərvərlik mövzusuna yenə xüsusi yer verilib. Bu qəbildən Mədəniyyət Nazirliyi ilə birgə əməkdaşlıq çərçivəsində hazırlanmış “Görünməyən qəhrəmanlar” silsiləsindən daha bir filmin çəkilişləri davam edir. İndiyədək 11 seriyası nümayiş etdirilib. Milli qəhrəmanlarımıza həsr edilən “Heç kim unudulmur, heç nə yaddan çıxmır!”, 44 günlük Vətən müharibəsi iştirakçılarından bəhs edən “Döyüşçü” layihəsi, “Radius” hərbi analitik-informasiya proqramı bu mövzuda olan verilişlərdir. Tamaşaçılar “Qarabağ gündəliyi”ndən Vətən müharibəsindən sonra azad edilmiş ərazilərimizdə başlayan bərpa-quruculuq işləri barədə məlumat alacaqlar. “Şuşa ili” ilə əlaqədar sosialyönümlü “Mənim Şuşam” videoçarxlarının yeni buraxılışları da təqdim olunacaq.

Yeni mövsümdə tamaşaçılara Sony Pictures, BBC, Discovery və digər məşhur şirkətlərin istehsalı olan ən baxımlı, yüksək reytinq qazanmış bədii, sənədli filmlər, o cümlədən narkomaniyanın cəmiyyətə vurduğu zərərli təsirlərdən bəhs edən Amerika serialı “Breaking Bad”, BBC-nin detektiv janrında məşhur “Sherlock” serialı, “Blacklist (9-cu sezon), “Around the World in 80 Days”, “Osmanlı İmperiyasının yüksəlişi” bədii-tarixi filmi, “Quiz” və başqaları peşəkar dublyajla nümayiş etdiriləcək.

Günün mühüm ictimai-siyasi hadisələrinin müzakirəsi həmişə olduğu kimi “Diqqət Mərkəzi”ndə olacaq. İctimai-siyası mövzular eyni zamanda, müəllif proqramlarında - tanınmış politoloq Eldar Namazovun “Aydınlıq”, tanınmış jurnalist Elçin Şıxlının “Pressinq”, Orxan Fikrətoğlunun “Halbuki”, Vüsalə Məmmədova və Ürfan Məmmədlinin təqdimatında “Sabaha saxlamayaq” və s. verilişlərdə işıqlandırılacaq. İTV-nin böyük populyarlıq qazanmış simalarından biri - Dadaş Dadaşlinskinin “3D” verilişinin fərqli buraxılışları efirə gedəcək.

Tamaşaçılar hər səhər “Sabahın xeyir, Azərbaycan”, “Dikdaban” verilişlərini həftəiçi izləyə biləcəklər.
İctimai Televiziya yeni mövsümdə tamaşaçılara yerli istehsal olan seriallar da təqdim edəcək. Tanınmış rejissor Emil Quliyevin rejissorluğu ilə maraqlı üslubda hazırlanan “Əqrəb mövsümü”, “Körpü” serialları izləyicilər üçün çox cəlbedici olacaq. Ötən mövsümdə tamaşaçıların rəğbətini qazanmış “Simurq” serialının 2-ci sezonu həftəiçi yayımlanacaq.

Əsrlərlə yaşı olan muğalarımız və aşıq sənətinin təbliğinə həsr edilən “Ustad dərsi”, “Ozan məclisi” proqramlarının yeni buraxılışlarının yayımı da İTV-də davam edəcək.

Milli azlıqlardan bəhs edən “Bura Vətəndir: sıradan birimiz” layihəsi yeni mövsümdə davam etdiriləcək.
Məşhur şəxsiyyətlərin həyat və yaradıcılığından bəhs edən film çəkilişlərinə xüsusi diqqət yetirilir. Böyük şair və dramaturq Hüseyn Cavidin 140 illik yubileyi münasibətilə “Şeyx Sənan” pyesi əsasında müasir dövrə uyğun hazırlanan eyni adlı serialı, "Bəraət - №1113" filmləri silsiləsindən daha birini izləmək mümkün olacaq. Bundan başqa, Qara Qarayevin 105, Məmməd Arazın 100, Fikrət Əmirovun 100 illiyinə həsr olunan filmlərin nümayişi nəzərdə tutulur.

İctimai Radio da yeni mövsümə maraqlı layihələrlə start verib. İlk növbədə, ölkənin radio məkanında ən çox dinlənilən, Fateh və Rəvan Bağırovun təqdimatında "MANPASI" səhər şousu və DJ Turalla “AvtoStop” verilişinin yayımı davam edir. Yeni maraqlı layihələrdən - Nərmin Aşurzadə ilə “Əsas Dərs” verilişində təhsil, fərdi inkişaf, ixtisas seçimi, təhsil sistemində yeniliklər və imkanlar barədə artıq iş günləri saat 17:00-da müzakirələr başlayır, bu mövzularda dinləyicilərə dəqiq, aktual və ətraflı məlumatlar verilir. Əhməd Əliyevlə “İdman Gündəliyi”ndə isə dekabrda Qətərdə baş tutacaq futbol üzrə Dünya Çempionatı ərəfəsində və ondan sonra idmanın müxtəlif sahələrinə dair gündəlik məsələlərin müzakirəsi iş günləri saat 11:00-da nəzərdə tutulur.

Onu da qeyd edək ki, İctimai Teleradionun efirində indiyədək sevilən və əksəriyyət tərəfindən bəyənilən bütün proqramlar yenidən tamaşaçıların görüşünə gələcək. Yeni mövsümdə bütün həmkarlarımıza uğurlar arzu edirik!
Baltik dənizindəki qaz kəmərlərinə hücum ola bilərBir neçə həftə əvvəl ABŞ-ın Mərkəzi Kəşfiyyat İdarəsi Almaniya hökumətinə Baltik dənizində qaz kəmərlərinə mümkün hücumlar barədə xəbərdarlıq edib.

Avrasiya.net Axar.az-a istinadən xəbər verir ki, bu barədə Almaniyanın “Şpiqel” nəşri məlumat yayıb.

Bildirilib ki, yayda Berlin Amerika kəşfiyyat xidmətindən müvafiq göstəriş alıb. Baltik və Şimal dənizlərində boru kəmərləri və sualtı kabellər şəbəkəsinə mümkün hücum təhlükəsi hələ Rusiyanın Ukraynaya müdaxiləsindən əvvəl hərbi rəsmilər tərəfindən nəzərdən keçirilirdi.

"Dünya miqyasında sualtı şəbəkələr enerji təchizatı, eləcə də internetin dayanıqlığı üçün son dərəcə vacibdir, lakin əhəmiyyətinə baxmayaraq, onlar hələ də hücumlardan və ya təxribat aktlarından zəif qorunur", - Bundesverin yüksək rütbəli rəsmisi deyib.

Qeyd edək ki, ötən gün "Şimal axını 1" və "Şimal axını 2" qaz kəməri marşrutlarında iki partlayış qeydə alınıb.
Rusiyalılar Gürcüstanla sərhəddə tıxacda qalan avtomobillərini satırlarGürcüstanla sərhəddəki tıxaclar kortəbii avtomobil bazarı yaradıb.

Burada dayanan rusiyalılar nəzarət-buraxılış məntəqəsindən daha rahat keçmək üçün maşınlarını satmağa çalışırlar. Belə elanlar Gürcüstana gedişlə bağlı “Telegram” çatlarında görünməyə başlayıb. Avtomobil sahibləri təkcə qiyməti deyil, həm də avtomobillərinin keçid məntəqəsinə qədər olan məsafəsini göstərirlər.

Alıcılara “Kia”dan tutmuş “Mercedes”ə qədər geniş seçim təklif olunur.//Oxu.az

Belarusa gedən rusiyalıları qatardan düşürüb geri qaytardılarRusiyanın Sankt-Peterburq şəhərindən Belarusa qatarla gedən beş rusiyalı “səfərbərlik haqqında” qanuna görə ölkədən buraxılmayıb.

Bu barədə qadağa qoyulan şəxslərdən biri deyib: “Qatardan dörd nəfəri çıxardılar, sərhədçilər onların hər birinin adını və yerini bilirdilər”.

Hərbi kafedranı bitirdiyini, lakin orduda xidmət etmədiyini deyən həmin şəxs bildirib ki, əvvəlcə Minskə, oradan da İstanbula gedəcəkmiş.

Amma onu Belarusla sərhəddən əvvəl, Nevel-2 dəmiryolu stansiyasında qatardan düşürüblər.

Rusiyalıların beşinə də səfərbərlik haqqında qanun əsasında səyahətin qadağan olunduğu barədə bildirişlər verilib.

Sənəddə deyilir ki, dəqiqləşdirmə üçün qeydiyyat yerindəki hərbi komissarlığa müraciət etmək lazımdır.//Oxu.az
Aİ Ukraynanın 4 regionunda keçirilən “referendum”un nəticələrini tanımayıbAvropa İttifaqı (Aİ) Şurasının Prezidenti Şarl Mişel Ukraynanın Donetsk, Luqansk, Zaporojye və Xerson vilayətlərinin Rusiya Federasiyasına birləşməsi ilə bağlı keçirilən seçkilərə münasibət bildirib.

Avrasiya.net APA-ya istinadən xəbər verir ki, bu barədə Şartl Mişe “Twitter“ səhifəsində paylaşım edib.

O, keçirilən “referendumların” nəticələrini tanımadığını bildirib.

“Saxta referendum. Saxta nəticələr. Biz də tanımırıq”, - deyə o, bildirib.

Sentyabrın 23-dən 27-dək Ukraynanın Donetsk, Luqansk, Zaporojye və Xerson vilayətlərində bu vilayətlərin Rusiya Federasiyasının subyektləri kimi Rusiyanın tərkibinə daxil olması ilə bağlı “referendumlar” keçirilib.

Rusiya KİV-lərinin məlumatına görə, səslərin 100%-i hesablandıqdan sonra seçicilərin Rusiya Federasiyasına birləşməyə dəstəyi ən azı 87% təşkil edib.
Zelenski Putinlə danışıqlarla bağlı tələb irəli sürübPrezident Volodimir Zelenski Rusiya Prezidenti Vladimir Putinə Ukrayna ərazisində keçirilmiş “referendumlar"ın tanınması və sonrakı danışıqlarla bağlı ultimatum verib.

Bu barədə “Report” BMT Təhlükəsizlik Şurasının iclasının yayımına istinadən xəbər verir.

Zelenski BMT Təhlükəsizlik Şurasının iclasında deyib ki, əgər Rusiya “referendumlar"ın nəticələrini tanısa, bu zaman onun və Putinin danışacaq başqa heç nəyi yoxdur.

"Rusiya Federasiyasının bu psevdoreferendumlara normal çağırışı, qondarma "Krım ssenarisi"nin həyata keçirilməsi, ərazilərin ilhaqına növbəti cəhd o demək olacaq ki, bizim Rusiya Prezidenti Vladimir Putinlə danışacaq heç nə yoxdur", - Zelenski deyib.

Prezidentin sözlərinə görə, ilhaq Putini bəşəriyyətlə üz-üzə qoyan addımdır. Buna görə də dünyanın hər bir ölkəsindən cavab siqnalları tələb olunur.
Hikmət Hacıyev ABŞ-da Ermənistanın Təhlükəsizlik Şurasının katibi ilə görüşübAzərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev ABŞ-da Ermənistanın Təhlükəsizlik Şurasının katibi Armen Qriqoryanla görüşüb.

“Report” xəbər verir ki, bu barədə ABŞ-ın milli təhlükəsizlik müşaviri Ceyk Sallivan bildirib.

“Bu gün mən Hikmət Hacıyev və Armen Qriqoryanı birbaşa və konstruktiv danışıqlar üçün qəbul etdim. Biz növbəti zorakılığın qarşısının alınmasının və vaxt məhdudiyyətli və məqsədyönlü danışıqların aparılmasının vacibliyini müzakirə etdik. Biz həmçinin sabit və davamlı sülhə dəstək olaraq irəliyə doğru konkret addımlar da müəyyən etmişik”, - Ceyk Sallivan qeyd edib.

Millətlər Liqasında qrup mərhələsi yekunlaşdıUEFA Millətlər Liqasında qrup mərhələsinə yekun vurulub.

Avrasiya.net xəbər verir ki, A, B və C Liqalarında keçirilən 9 oyunla final və pley-off mərhələsinin bütün iştirakçıları bəlli olub.

A Liqasının 2-ci qrupunda Portuqaliya İspaniya ilə 1-ci yer, İsveçrə isə Çexiya ilə aşağı diviziona düşməmək uğrunda mübarizə aparıb. İspaniyalılar səfər, isveçrəlilər ev qələbəsi ilə istəyinə nail olub. Çexiya isə A Liqasını tərk edib.

B Liqasının 1-ci qrupunda Ukrayna millisi Polşada Şotlandiyanı qəbul edib. Səfərdə qolsuz bərabərliyə nail olan qonaqlar pley-offa adlayıb.

İsrailin liderliyi təmin etdiyi 2-ci qrupda bir görüş baş tutub. İslandiya səfərdə Albaniyanın qonağı olub. Görüş heç-heçə ilə yekunlaşıb.

4-cü qrupda səfərdə Norveçə qalib gələn Serbiya yığması həm A Liqasına, həm də pley-offa vəsiqə əldə edib. Qrupun digər matçında Sloveniya İsveçlə səfərrdə heç-heçə edərək, B Liqasındakı yerini qoruyub. Meydan sahibləri isə aşağı diviziona düşüb.

Nəhayət, C Liqasının 2-ci qrupunda B Divizionuna və pley-offa vəsiqəni daha əvvəl təmin edən Yunanıstan seçməsi evdə Şimali İrlandiyanı məğlub edib. Kosovo doğma meydanda Kipri darmadağın edərək, C Liqasında qalıb. Qonaqlar isə sözügedən divizionu tərk edib.
Zaporojye Ukraynadan de-fakto "ayrıldı"Zaporojye vilayəti de-fakto Ukraynadan "ayrıldı" və Rusiyanın tərkibinə daxil olmaq üçün müraciət ünvanladı.

Avrasiya.net xəbər verir ki, bu barədə Rusiyanın Zaporojye vilayətinin qondarma hərbi-mülki administrasiyasının rəhbəri Yevgeni Balitski deyib.

Qeyd edək ki, vilayətdə keçirilən qondarma referendumun nəticələrinə görə, seçicilərin 93 faizi Rusiyanın tərkibinə keçməyin lehinə səs verib.