DİN Səfər Mehdiyevi saxlayan polislərin işdən çıxarılması iddialarına münasibət bildiribDaxili İşlər Nazirliyi (DİN) Dövlət Gömrük Komitəsinin sabiq sədri Səfər Mehdiyevi saxlayan yol polislərinin işdən çıxarılması ilə bağlı iddialara münasibət bildirib.

DİN-in Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev “Report”un sorğusuna cavab olaraq bildirib ki, yol polislərinin daxili işlər orqanlarından xaric olunması iddiaları əsassızdır.

“Bu məlumatlar həqiqəti əks etdirmir”, - DİN rəsmisi vurğulayıb.

Qeyd edək ki, bir neçə gün öncə Dövlət Gömrük Komitəsinin sabiq sədri Səfər Mehdiyevin idarə etdiyi avtomobilin saxlanmasını əks etdirən görüntülər yayılıb. Hadisə vaxtı keçmiş sədr idarə etdiyi “Mercedes Galendevagen” markalı, 90 AA 978 dövlət qeydiyyat nişanlı avtomobildən düşərək yol polisi əməkdaşlarına hirslənib.

Bu gün isə həmin yol polislərin daxili işlər orqanlarından xaric olunması ilə bağlı məlumatlar yayılmışdı.
200-dən az bal toplayanların nəzərinə! - DİM yeni məlumat yaydıBu il II qrup üzrə müsabiqəyə (həm dövlət sifarişi əsasında, həm də ödənişli əsaslarla qəbul aparılan yerlər üzrə) ümumi balı 200-dən, imtahanın ikinci mərhələsi üzrə balı 100-dən az olmayan abituriyentlər buraxılır.

Avrasiya.net xəbər verir ki, bu barədə məlumat II ixtisas qrupu üzrə müsabiqədə iştirak etmək hüququ qazanmış abituriyentlər üçün “İxtisas seçimi zamanı nələrə diqqət yetirməli?” adlı kitabçada yer alıb.

Bildirilib ki, II qrupda müəyyən ixtisaslar üzrə tətbiq edilən tələblər qismən fərqlidir:

- Dövlət ali təhsil müəssisələrinin (ADA Universiteti və Bakı Ali Neft Məktəbi istisna olmaqla) tədrisi ingilis dilində olan ixtisaslarının müsabiqəsinə qəbul imtahanının birinci mərhələsində (cari ilin məzunları üçün buraxılış imtahanında) ingilis dili fənni üzrə nisbi balı 40-dan az olmayan abituriyentlər buraxılır;

- Marketinq, biznesin idarə edilməsi, turizm bələdçiliyi, turizm işinin təşkili ixtisasları üzrə ödənişli əsaslarla ayrılmış yerlərin müsabiqəsinə ümumi balı 150-dən və imtahanın ikinci mərhələsi üzrə balı 50-dən az olmayan (dövlət sifarişi əsasında ayrılan yerlər üzrə ümumi balı 200-dən və imtahanın ikinci mərhələsi üzrə balı 100-dən az olmayan) abituriyentlər buraxılır.
Mehdiyevi saxlayan yol polisləri işdən çıxarıldı - VideoDövlət Gömrük Komitəsinin sabiq sədri Səfər Mehdiyevi saxlayan yol polisləri ilə bağlı yeni xəbər var.

Avrasiya.net Sfera.az-a istinadən xəbər verir ki, adlarını dəqiqləşdirə bilmədiyimiz sözügedən DYP əməkdaşları vəzifələrindən azad edilərək, sərəncama götürülüb.

Məlumat üçün bildirək ki, bir neçə gün öncə Səfər Mehdiyevin idarə etdiyi avtomobilin saxlanmasını əks etdirən görüntülər yayılıb. Hadisə vaxtı keçmiş sədr idarə etdiyi “Mersedes Gelandevagen” markalı, 90 AA 978 dövlət qeydiyyat nişanlı avtomobildən düşərək yol polisi əməkdaşlarına hirslənib.

Özünü general-polkovnik Mehdiyev kimi təqdim edən Səfər Mehdiyevin onu saxlayan polisə “Nə həyasız adamsan? Sirena yandırdığımı görmürsən?” dediyi eşidilir.

Yol polisi isə ona “Cənab general, nömrədə yazılmır axı kimdir sürən?! Bizə deyiblər ki, siqnal olmaz” cavabını verib. Daha sonra Gömrük Komitəsinin sabiq rəhbəri avtomobilinə əyləşərək uzaqlaşıb.
“Məhkəmə qərarı olsa da, “MALİBO” MMC evimizi təhvil vermir” - ŞİKAYƏTBakı şəhəri Salatın Əsgərova küçəsi, 106 ünvanda ikiotaqlı, sahəsi 52 kv.m olan mənzildə daimi pasport qeydiyyatında yaşayan ailə bu gün evsiz qalıb. Həmin evdə dörd nəsil yaşayan ailə birdən-birə mənzillərindən çıxarılaraq, küçələrdə qalmağa məcbur edilib. Hara müraciət etsələr də, şikayətlərinə məhəl qoyan tapılmır. Əslində, məhkəmələr bu ailənin haqqını tanıyıb. Şirkət isə məhkəmələrin ədalətli qərarını tanımaqdan imtina edir.

“Həftə içi” qəzetinə şikayət ərizəsi ilə müraciət edən, hazırda ahıl yaşında Bakı şəhəri, Pirşağı qəsəbəsində müvəqqəti məskunlaşan Əli Əliyev və onun həyat yoldaşı Tamilla Əliyeva bütün dövlət hüquq-mühafizə, məhkəmə orqanlarına edilən müraciətlərə baxmayaraq, pozulmuş hüquqlarını bərpa edə bilməyiblər. Buna görə də Əliyevlər ailəsi həm evlərinin əllərindən alınmasına görə, həm də ailə başçısı Əli Əliyevin sağlıq durumunun ağırlaşaraq yataq xəstəsi olması üzündən hədsiz üzüntü və həyəcan içində yaşayır.

Nəhayət, şikayət ərizəsi ilə redaksiyamıza müraciət edən Əli Əliyevin həyat yoldaşı Tamilla Əliyeva Prezidentin “Problemlərinizi deyin...” çağırışına güvənərək, dövlət başçısına üz tutduğunu bildirib.

T.Əliyeva deyir ki, yoldaşı ağır xəstəlikdən əziyyət çəkir və bu gün öz ata-baba yurdundan çıxarılmasına, haqqını bərpa edə bilməməsinə görə xəstəliyi daha da ağırlaşıb. Bildirir ki, 2018-ci ilin yanvarında İmişli rayonundan sabiq millət vəkili Əsabil Qasımova məxsus və qardaşı Vüqar Qasımov tərəfindən idarə olunan “MALİBO” MMC şirkəti ərazidə “Pilot layihə” adı altında köhnə evlərin yerində hündürmərtəbəli evlər tikiləcəyini deyərək, sakinləri ərazidən köçürüblər. Sakinlərlə danışıqları şirkət adından Nicat Sadıqov aparıb.

2018-ci ilin 25 mayında “MALİBO” MMC ilə aralarında bağlanan müqaviləyə görə, göstərilən ünvanda 10-cu blok, 9-cu mərtəbədə Əliyevlərə məxsus 52 kv.m ikiotaqlı köhnə mənzilin əvəzinə, onlara təmirsiz 60 kv.m yeni mənzil veriləcəyi barədə sövdələşmə olub. Şirkət evi 24 aya təhvil vermədikləri təqdirdə, hər ay Əliyevlərə 400 manat kirayəhaqqı ödəyəcəklərini müqavilədə qeyd ediblər.

Razılığa əsasən şirkət evi söküb. Daha sonra MALİBO-nun rəhbərləri Əliyevlərə verdikləri müqaviləni məhkəmələr yolu ilə ləğv etməyə və ailəni mənzilsiz qoymağa çalışıblar.

T.Əliyeva deyir ki, 4 il müddətində şirkətlə məhkəmə çəkişmələri olub. Üstəlik şirkət ailəyə müvəqqəti narahatlığa görə heç bir kirayə haqqı ödəməyib. Əliyevlərin mənzillərini geri almaq idiası ilə baş vurduğu Nəsimi rayon məhkəməsi, Bakı Apelyasiya və Ali Məhkəməsi “Malibo” MMC ilə Əliyevlər arasında bağlanmış 25.05.2018 tarixli 126 saylı müqaviləni etibarlı hesab edərək, onlara tikiləcək binadan mənzilin verilməsi barədə Qərar qəbul edib.

T.Əliyeva bildirib ki, nəhayət, mənzillərinin haqqını almaq üçün 2022-ci ilin aprel ayında Ali Məhkəmənin qərarını əsas tutaraq, “MALİBO” MMC-nin ofisinə üz tutublar. Onlar şirkətin meneceri Nicat Sadıqova məhkəmənin qərarını təqdim edib, nəhayət, mənzillərinin onlara təhvil verilməsini istəyiblər.

“Nicat Sadıqov bizə bildirdi ki, şirkətin rəhbərləri Əsabil və Vüqar Qasımov qardaşlarının tapşırığına əsasən, bizə nə mənzil, nə də kirayəhaqqı vermədilər. Məhkəmənin qərarı onlar üçün əsas deyil, hara istəyirsiniz, şikayət edin”.

Beləcə, çarəsiz nə edəcəklərini bilməyən Əli Əliyev, xanımı Tamilla Əliyeva ölkə başçısı İlham Əliyevdən kömək istəyirlər. Səslərini dövlət başçısına çatdırmaq üçün mediaya üz tutublar.

“Cənab Prezident!

Xahiş edirik, haqqımızı qoruyun. Ali Məhkəmənin qanuni qüvvəyə minmiş qərarı olduğu halda, şirkət rəhbərliyi Azərbaycanda qanunları saymır, qərarı icra etmir! “MALİBO” MMC-nin vəzifəli şəxsləri barəsində tədbir görülməsində və bizim ailənin mənzillə təmin olunmasında və kirayə haqqı ödənilməsində köməklik göstərməyinizi Sizdən xahiş edirəm.”

P.S.

Şikayətlə bağlı qarşı tərəflə dəfələrlə əlaqə yaratmaq istəsək də, zənglərimiziz cavabsız qaldı. Bununla belə, səsləndirilən iddialarla bağlı qarşı tərəfin də mövqeyini işıqlandırmağa hazırıq.
Ermənilər yalnız bu halda Şuşaya gələ BİLƏCƏKLƏRAqunik Abovyan adlı erməni qadın Prezident İlham Əliyevə müraciət edib. İslam dinini qəbul etdiyini deyən qadın Prezidentdən Bakıya və Şuşaya gəlməsi üçün ona icazə verilməsini xahiş edib.

O, Şuşada namaz qılmaq arzusunda olduğunu söyləyib. Abovyan, həmçinin qeyd edib ki, Azərbaycanda olmaq, həyat yoldaşının və dostlarının vətənini görmək onun ən böyük arzusudur:

"İcazə verin, Azərbaycana gəlim, gözəl şəhərinizi gəzim. İstəyirəm ki, yoldaşımın və dostlarımın vətənini görüm. Qarabağda, Şuşada olmaq, orada namaz qılmaq istəyirəm".

Erməni qadının sözügedən müraciəti sosial şəbəkələrdə müzakirələrə səbəb olub. Əksəriyyət hesab edir ki, niyyəti şübhə doğuran erməni qadının xahişi yerinə yetirilməməli, kimliyindən və hansı mövqedə olmasından asılı olmayaraq, heç bir erməni işğaldan azad olunmuş ərazilərə buraxılmamalıdır.

Milli Məclisin deputatı Fazil Mustafa da belə düşünür. Aqunik Abovyanın müraciəti barədə Modern.az-a danışan deputat bildirib ki, indiki durumda erməni qadının Şuşaya və Bakıya gəlməsinə icazə verilməməlidir. Lakin Milli Məclis üzvü hesab edir ki, ermənilər yalnız Azərbaycan vətəndaşlığına qəbul olunduqdan sonra Şuşaya, eləcə də Bakıya gələ bilərlər.

“Bu kimi məsələlərdə birinci növbədə vətəndaşlıq məsələlərinin üzərində düşünməliyik. Vətəndaşlıq almaq istəyən erməni varsa, bu, mümkün ola bilər. Ermənilər oranı görsün, buranı görsün, bu mümkün deyil. Şuşanı minlərlə azərbaycanlı görməyibsə, niyə ermənilərə bu şansı yaratmalıyıq?

Başa düşdüm, Şuşanı görmək istəyir, amma o halda mümkün ola bilər ki, birinci Azərbaycan vətəndaşlığı üçün müraicət etsinlər. Yəni Şuşanı görmək üçün Azərbaycan vətəndaşı olmalıdırlar. Fikrimcə, bu prinsipi əsas götürməliyik. Əlbəttə, nə vaxtsa turist kimi hansısa ölkənin vətəndaşları Şuşaya gələcəklər, amma ermənilərə qarşı yanaşma bu cür olmamalıdır. Vətəndaşlığımızı qəbul edirlərsə, həm Şuşaya, həm də Bakıya gələ bilərlər. İndiki şəraitdə ermənilərə vaxtımızı və enerjimizi sərf etmək doğru deyil”, - deyə parlamentari vurğulayıb.
Krım uğrunda döyüşlər daha şiddətli olacaq - BaşbuğBu gün Rusiya Krımı qırmızı xətt olaraq görür. Səbəb isə donanmadır. Krım rus donanması üçün ən əlverişli bölgədir. Rusiya 2014-cü ildə dünyanın gözünün içinə baxa-baxa yarımadanı işğal etdi. Hazırda tərəflərə baxdığımız zaman Rusiyanın məqsədi bütün Ukraynanı işğal etmək, Ukraynanın məqsədi isə Krımı işğaldan qurtarmaqdır.

Bu sözləri Axar.az-a açıqlamasında Türkiyənin terror və təhlükəsizlik məsələləri üzrə eksperti, istefada olan kəşfiyyat polkovniki Coşqun Başbuğ deyib.

“Müharibə başlayandan bəri fərqli vaxtlarda Rusiya və Ukraynanın üstünlük qazandığının şahidi olduq. İndi isə tərəflər arasında qüvvələr nisbətində tarazlığın formalaşdığını deyə bilərik. Xüsusilə son günlərdə biz Ukraynanın Xersonda əks-hücumlar keçirdiyini və müxtəlif ərazilərdə nəzarəti bərpa etdiyini eşidirik. Kiyev Krımda aerodromun hücum nəticəsində partladığını deyir, Moskva isə inkar edir. Hansı versiyanın doğru olduğunu isə səbir edib görməliyik. Ancaq bir şeyi əminliklə vurğulamaq istəyirəm ki, bundan sonra Krım daha çox müzakirə ediləcək. Dünyanın əksər ölkələri Krımın işğalını qəbul etmir və Rusiyanın oradan çəkilməsini istəyir. Əgər döyüşlər Krıma keçsə, müharibə daha da şiddətlənəcək. Çünki Rusiya yarımadanı əldən verməmək üçün hər şeyi edəcək. Böyük dövlətlərin dəstəyinə gəldikdə isə onların heç birinin yarımadaya qoşun göndərib birbaşa Rusiya ilə döyüşəcəyinə inanmıram. Bu günədək verilən dəstəyə baxmayaraq Ukrayna döyüş meydanında balansı tam formalaşdıra bilməyib. Lakin Kiyev əks-hücuma keçərək bunu bacaracağını göstərsə, Qərb hər cür hərbi dəstək verəcək və müharibə yeni mərhələyə qədəm qoyacaq. ABŞ qəti şəkildə qələbə qazanacağına əmin olsa, NATO-nun da meydana girməsini təmin etməklə prosesi tamam fərqli istiqamətə çevirə bilər. Lakin hələ tezdir. Çünki müharibənin Krıma sıçrayıb-sıçramayacağı, Rusiyanın reaksiyasının nə olacağı, Ukraynanın buna nə qədər dayana biləcəyi, prosesin Üçüncü Dünya müharibəsinə çevrilib-çevrilməyəcəyi kimi suallar cavabını tapmalıdır. Ona görə, mənzərə tam aydın olmalıdır”, - Başbuğ bildirib.
Rusiyanın HHM sistemi səmərəsizdir - ABŞKremlin Ukraynanı Krıma zərbəyə görə günahlandırması üçün çox az səbəbi var. Çünki “Moskva”nın batması da artıq göstərdi ki, Rusiyanın hava hücumundan müdafiə sistemləri səmərəsizdir.

Axar.az xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb.

"İki fərqli yerdə eyni vaxtda partlayışların olması Rusiyanın səsləndirdiyi təsadüfi yanğın versiyasını istisna edir. Lakin nə təxribat, nə də uzaqmənzilli raket hücumu da istisna edilmir", - məlumatda deyilib.
“Sosial şəbəkələrin tənzimlənməsi üçün müəyyən tədbirlər görülməlidir”“Dünyanın aparacı dövlətləri sosial şəbəkələri tənzimləmək üçün qanunlar qəbul edirlər. Elə mövzular var ki, onların tənzimlənməsi üçün qanunlar hazırlanır”.

Bu fikirləri Jurnalistlərin Həmkarlar İttifaqının sədri Müşfiq Ələsgərli bu gün Baş Prokurorluğun təşkilatçılığı ilə “Media azadlığı və sosial şəbəkələrin güclənən təsiri şəraitində cəmiyyətin informasiya təhlükəsizliyinin təmin olunması” mövzusunda keçirilən konfransda deyib.

Onun sözlərinə görə, dünyada sosial şəbəkələr güc mərkəzi kimi çıxış edirlər: “Bunun tənzimlənməsi üçün müəyyən tədbirlər görülməlidir və ayrı-ayrı dövlətlər tərəfindən bu edilir.

Məsələn, Fransada çoxsaylı məsələlər var ki, onlarla bağlı nifrət çıxışının qarşısının alınması üçün qanun hazırlanıb. Hazırda Almaniya, Polşa, Fransa və digər ölkələrdə bu cür qanunlar hazırlanıb. Sosial şəbəkəni tənzimləyə deyə bir məsələ yoxdur. Ancaq sosial şəbəkələrdə uşaqların hüquqlarının, müəllif və digər hüquqların qorunmasına zərurət var”.
Rusiyada daha bir neft anbarı yandıRusiyanın Krasnodar diyarının Yeysk şəhərindəki neft anbarında yanğın baş verib.

Bu barədə Rusiya Teleqram kanalları məlumat yayıb.

Yanğının səbəblərim barədə məlumat verilmir.

Yeyskdən Mariupola yanacaq və sursat daşınması həyata keçirilirdi.

Qeyd edək ki, şəhərin Mariupolla Azov dənizi vasitəsilə 30 km-lik məsafəsi var.
Reket jurnalistlərə görə qanun sərtləşdirilsin - TƏKLİF“Dövlət hər bir cəmiyyət üzvünün hüququnun qorunmasına mükəlləfdir. Mətbuat Şurası media ilə ictimaiyyət arasında münasibətləri tənzimləyən ictimai qurumdur. Bu vaxta qədər Mətbuat Şurasına vəzifəli şəxslər, vətəndaşlar tərəfindən 18 minə yaxın şikayət daxil olub”.

Bu fikirləri Mətbuat Şurasının sədri Əflatun Amaşov bu gün Baş Prokurorluğun təşkilatçılığı ilə “Media azadlığı və sosial şəbəkələrin güclənən təsiri şəraitində cəmiyyətin informasiya təhlükəsizliyinin təmin olunması” mövzusunda keçirilən konfransda deyib.

Onun sözlərinə görə, şikayətlərin tam əksəriyyəti araşdırılıb: “Bu günlərdə də Mətbuat Şurasına şikayətlər daxil olmaqdadır. Sabah biz iclasımızda bəzi şikayətlərə baxacağıq. Mətbuat Şurası olaraq jurnalistlərə 1000-ə yaxın “press” gödəkçələr də verilib. Biz jurnalistlərin pandemiya dövründə vaksinasiyasını da təşkil etmişik”.

Ə.Amaşov qeyd edib ki, reketçiliklə bağlı məsələlər cinayət işidir: “Azərbaycan mətbuatında reketçilik mövcud olub. Daxil olan şikayətlərin də 30-35 faizi reketçiliklə bağlıdır. Əvvəlki dövrlərə nisbətən indi reketlər daha peşəkarlaşıb. Qanunun sərt üzü üzə çıxmalıdır. Hər iki tərəf cəzalandırmalıdır. Onlar jurnalistikaya cəmiyyəti məlumatlandırmaq üçün gəlməyiblər. Təklif edirəm ki, reketçilik edənlərlə bağlı qanun sərtləşdirilsin”.