Britaniyalı parlamentari siyasi naşılıq göstəribBritaniya parlamentində Ukrayna-Rusiya müharibəsi ilə bağlı məsələ müzakirə edilərkən Leyboristlər partiyasının parlamentdəki xanım təmsilçisi Marqaret Hodcun xarici işlər naziri Liz Trassa müraciət edərək Azərbaycanı və Qazaxıstanı Putinin səylərinə dəstək verməkdə ittiham etməsi və “Qazaxıstan və Azərbaycanın da sanksiyalar siyahısına daxil edilməsi məsələsinə baxılırmı?” deyə nazirə sorğu ünvanlaması həm siyasi naşılıq nümunəsidir, həm də hansısa dairələrin qərəzli sifarişinin yerinə yetirilməsi cəhdidir.

Hərçənd ki, xanım Marqaret Hodc siyasətdə təzə adam deyil. O, kifayət qədər təcrübəli siyasətçidir. Belə bir siyasətçi faktı dəqiqləşdirmədən səsləndirməməli, ictimailəşdirməməlidir. Böyük Britaniya kimi zəngin siyasi ənənələri, çoxəsrlik parlamentarizm tarixi olan bir ölkənin deputatının əsl həqiqətləri gözardı edib, heç bir əsas olmadan Azərbaycana qarşı sanksiyaların tətbiq edilməsini gündəmə gətirməsi onun bir siyasətçi kimi qeyri-ciddiliyini göstərir, eyni zamanda siyasi sifariş yerinə yetirdiyini ortaya qoyur. Yoxsa, o, əsl həqiqətləri bu qədər həyasızcasına danmazdı.

Əsl həqiqət isə bundan ibarətdir ki, Azərbaycan qanlı müharibənin tezliklə dayandırılması üçün vasitəçilik təşəbbüsü ilə çıxış edib, Ukrayna ilə Rusiya arasında vasitəçilik etməyə hazır olduğunu bildirib. Həmçinin dövlətimiz tərəfindən Ukraynaya humanitar yardım göstərilib. Bakıdakı Ukrayna səfirliyinin qarşısında keçirilən dəstək aksiyasını isə az qala bütün dünya KİV-ləri işıqlandırıb. Əgər Marqaret Hodc bütün bunlardan xəbərsizdirsə, bu bizim günahımız deyil.

Bir ingilis parlamentarisinin bu cür real faktları görmədən, bilmədən ağzına gələni danışması həqiqətən də ayıbdır. Marqaret Hodc kimi məsuliyyətsiz siyasətçilər bu cür qərəzli və yalan ittihamları ortaya atmaqla bütövlükdə Britaniya-Azərbaycan münasibətlərində soyuqluq yaratmağa çalışırlar. Görünən budur ki, M.Hodc öz şəxsi mənafelərini İngiltərənin strateji maraqlarından üstün tutur.

Əlisahib Hüseynov,
Milli Həmrəylik Partiyasının sədri
Xızı rayonunda Xocalı Soyqırımının 30-cu il dönümü ilə bağlı tədbir keçirilib02.03.2022-ci il tarixində Xızı rayon Heydər Əliyev Mərkəzində Xocalı Soyqırımının 30-cu il dönümü ilə bağlı tədbir keçirildi.

“Əlillliyi Olan Şəxslərin Sosial Müdafiəsinə və İnteqrasiyasına Dəstək” (ƏSMİD) İctimai Birliyi, Azərbaycan Respublikasının Qeyri- Hökumət Təşkilatlarına Dövlət Dəstəyi Agentliyinin dəstəyi ilə 01.02.2022-ci il tarixindən “Sumqayıt şəhəri və ətraf rayonlarda Xocalı soyqırımının 30-cu il dönümü ilə əlaqədar tədbirlərin təşkili” layihəsinin icrasına başlayıb.

Tədbiri giriş sözü ilə açan Birliyin sədri, layihə rəhbəri Səbinə Kərimova qeyd etdi ki, bu il Xocalı soyqırımının 30-cu il dönümüdür və bununla bağlı ölkəmizdə bir çox tədbirlər həyata keçirilir. Artıq bu bizim Xocalı soyqırımı ilə bağlı ikinci tədbirimizdir . İlk tədbirimiz 18 fevral 2022-ci ildə Sumqayıt gəncləri ilə keçirildi artıq ikinci tədbirimiz Xızı rayon gəncləri ilə keçirilir.Bizim də layihəmzin əsas məqsədi 30 il qan yaddasımız olan Xocalı ilə bağlı regionlarda yaşayan yeniyetmə və gənclərə Xocalı soyqırımı hadisələri haqda ətraflı məlumat vermək və Xocalı faciəsini udulmaması üçün gənclər arasında təbiğatın aparılmasıdır.

30 il əvvəl Xocalı da baş vermiş bu faciə unudulmamalı və ermənilərin törətdikləri bu vəhşilik gənclərin beyninə həkk olunmalıdır. Xocalıda baş vermiş bu hadisə ermənilərin Azərbaycan torpaqlarını ələ keçirmək, xalqımızın müstəqillik və ərazi bütövlüyü uğrunda mübarizə əzmini qırmaq idi. Xocalı faciəsinə gedən yol 1988-ci ilin fevral ayından Stepanakertdə ermənilərin mitinqləri ilə başladı. Keçmiş Dağlıq Qarabaq Muxtar vilayətində Ermənistan ilə birləşmək istəyən separatçı hərəkatının tələbi 1988-ci ildə nisbətən dinc şəkildə başlasa da, növbəti aylarda SSRİ dövlətinin süqutunun yaxınlaşması səbəbindən fərqli istiqamətdə vüsət alaraq, etnik azərbaycanlılar ilə ermənilər arasında getdikcə böyüyən şiddətli münaqişəyə çevrildi və hətta etnik təmizləmə iddialarına səbəb olan qanlı toqquşmalarla müşaiyət olundu. Bu münaqişələr sonunda daha böyük qanlı toqquşmaya yol açdı və bununla ötən əsrdə Xocalı daha bir faciə yaşamış oldu. Həmin faciədən əvvəl də Xocalı öz tarixində bir neçə dəfə erməni təcavüzünə məruz qalmış, soyqırımlarına uğramışdı. Təkcə XX əsrin əvvəllərində 1905, 1906, 1917 və 1918-ci illərdə də Xocalı dörd dəfə erməni təcavüzünə məruz qalmış, yandırılmış, talan edilmiş, dağıdılmış, fəqət ayağa qalxaraq düşməndən qisasını almış, yenidən bərpa olunmuş və yaşamışdı.. Bunun üçün biz keçmişi unutmamalıyıq. Tarix boyu ermənilərin xalqımıza qarşı törətdikləri terror davam etməkdədir.

Biz unutduqca onlar daha böyük cinayətlər törədir.Yeniyetmə və gənclər dünya arenasına inteqrasiya edəndə artıq Xocalı ilə bağlı yetərincə məlumatları olmalıdır ki, onlar bizim səsimizi dünyaya çatdırsınlar. Ona görə biz bu gün məhz bu təbliğatı yeniyetmə və gənclər arasında daha dərindən aparırıq.Çünki onlar bizim səsimizdir.Bu layihənin 4 ay müddətində Sumqayıt şəhəri və ətraf rayonlarda keçirilməsi nəzərdə tutulub deyə bildirdi.

Sonra Xızı rayon İdman və Gənclər İdarəsinin rəisi Kamran Quliyev iştiraçıları salamladı və bu tədbirin nə qədər önəmli olduğunu və Xocalı barədə gənclərin maarifləndirilməsini çox yüksək qiymətləndirdi. Gənclər bizim gələcəyimizdir və Xocalıda baş verən bu faciəni onlarda gələcək nəsilə ötürməli və ermənilərin törətdikləri bu terror əsla unudulmamalıdır deyə qeyd etdi.

Layihə eksperti, tarixçi Ramil Süleymanov gənclərə tarixdə baş vermiş hadisələrlə bağlı məlumat verdi.
Tədbirdə Eşimə və Nitq Məhdudiyyətli Şəxslərə Sosial Yardım İctimai Birliyinin sədri Cəmilə Abdulova və Vətən müharibəsi qaziləri Seymur Nəcəfli Xocalı soyqırımı ilə bağlı çıxış etdilər.
Sonra Xocalı bir millətin kədəridir filmi nümayiş olundu. Sonda müzakirələr çay süfrəsi arxasında davam etdirildi.
Rus kolonu tələyə düşdü - VideoKiyevin Barışivka qəsəbəsində rus kolonu məhv edilib.

Axar.az xəbər verir ki, bu haqda Ukrayna daxili işlər nazirinin müşaviri Anton Qeraşenko məlumat yayıb.

Nazir müşaviri əməliyyatın detalları barədə də danışıb. Belə ki, rus kolonu qəsəbəyə daxil olduqdan sonra əsas giriş olan körpü partladılıb. Sonra isə qəsəbənin içində kolon Ukrayna hərbi aviasiyası tərəfindən zərərsizləşdirilib.
15 yaşlı gənc özünü ASDIXaçmazda yerli sakin intihar edib.

Avrasiya.net "Report"a istinadən xəbər verir ki, hadisə Xudat şəhərində baş verib.

Belə ki, 2007-ci il təvəllüdlü Vəliyev Mayıl Ramiz oğlu həyətdə istifadə edilən yardımçı tikilidə özünü asıb.

Meyit müayinə olunması üçün Məhkəmə Tibbi Ekspertiza və Patoloji Anatomiya Birliyinin Xaçmaz rayon şöbəsinə yerləşdirilib.

Faktla bağlı araşdırma aparılır.
"Hava məkanımıza kimsə əl uzada bilməz"Prezident Ersin Tatar Kipr rum administrasiyasının Quzey Kıbrıs Türk Cümhuriyyəti (KKTC) hava məkanı da daxil olmaqla hava məkanını bağlamaq qərarına reaksiya verib.

Avrasiya.net xəbər verir ki, KKTC prezidenti Ersin Tatar yazılı açıqlamasında Rusiya-Ukrayna müharibəsi səbəbiylə Rusiyaya qarşı tətbiq edilən sanksiyalar çərçivəsində AB ölkələri, bir çox başqa ölkə və Rusiya təyyarələrinə Cənubi Kiprin hava məkanını bağlamaq qərarına gəldiyini ifadə edərək, bunun səlahiyyət və məsuliyyətinin bu qərarı qəbul edən ölkələrə aid olduğunu deyib.

Ersin Tatar KKTC-nin Kiprin rum administrasiyasının qəbul etdiyi hava məkanı qərarına KKTC-nin milli hava sahəsini əlavə etməsinin və bu istiqamətdə xəritələr dərcinin qəbuledilməz olduğunu vurğulayıb.

Prezident açıqlamasında, “Kıpr rum administrasiyasının 1960-cı ildə KKTC ərazisində və 1960-cı ildə əldə etdiyimiz suveren bərabərliyimiz, bərabər statusumuz və əldə etdiyimiz hüquqlarımıza qarşı milli hava məkanımızla bağlı hər hansı qərar verməsi müzakirə mövzusu ola bilməz", deyib.

Ersin Tatar qeyd edib ki, özünü Kiprin yeganə sahibi kimi görən rum administrasiyasının belə bir qərar qəbul etməsi, KKTC-nin suverenlik hüquqlarına əl uzatması və dünya ictimai rəyini aldatmağa çalışması əbəs cəhddir.

Kiyevdə Rusiyanın iki Su-35S qırıcısı vurulduUkrayna Hava Hücumundan Müdafiə Qüvvələri Rusiyanın iki Su-35S qırıcısını məhv ediblər.

Axar.az xəbər verir ki, bu barədə Ukrayna Hərbi Hava Qüvvələri məlumat yayıb.

“Kiyev vilayətində Ukrayna Hava Qüvvələrinə məxsus iki MiQ-29 təyyarəsi ilə Rusiya Hərbi Hava Qüvvələrinin iki Su-35S təyyarəsi arasında döyüş baş verib. Nəticədə hər iki Su-35S məhv edilib. MiQ-29-un “hava-hava” tipli raketləri ilə birlikdə rus təyyarələrinə qarşı S-300 ZRK-lar da istifadə olunub”, - məlumatda bildirilib.
Ekstremizm təhlükəsiEkstremizm latın sözü olub (extremus-ən son hədd) ən son metodlara maraq, ifratçı kimi tərcümə oluna bilər.

Ekstremizm siyasi, dini, iqtisadi, irqi, hərbi və sair formalarda özünü göstərə bilir. Məsələn siyasi ekstremizm siyasətin ifrata varan vasitələrlə həyata keçirilməsidir.

Bəşər tarixi göstərir ki, ekstremizmlə bütün dünya millətləri tarix boyu üz-üzə gəliblər. Məsələn, tarix axarında bir çox dövlətlərdə hökumətlər xarici müdaxilələrlə mübarizə metodu kimi ölkəni bir qalaya çevirirdilər, qəddar mərkəzləşmə, hakimiyyətə sözsüz itaət, hüququ və azadlıqların məhdudlaşdırılması ilə müşayət olunan daxili və xarici siyasət özü də ifrat metodlarla həyata keçirilirdi. Yəni siyasi ekstremizm hesab edilirdi.

Amma siyasi ekstremizmin daha sadə formaları da var. Siyasi ekstremizm digər növlər (iqtisadi, dini) kimi ifratçılıq və həyata keçirilmə formalarına görə ayrılır. Amma qəbul etmək lazımdır ki, hər şeyin ifratı axmaq və mənasızdr. Ekstremizmdə isə bu həm də təhlükəlidir. Çunki ekstremizm manevr etmək üçün mühit buraxmır. O səbəbdən də bir çox halda növbəti addım terrorizmlə bitir.

Terrorizm özü də ekstremizmdə ekstremizmdir. Yəni bu sahədə siyasi ekstremizm, terrorizm və ksenofobiya (ictimaiyyət arasında kütləvi şübhə meyllərinin artırılıması, yadlara nifrətin aşılanması) eyni anlamlar olmasalar da harda isə bir-birlərini tamamlayırlar.

Ekstremizmi bir başqa formada insanların qorxu və nifrətlərindən istifadə edərək onları birləşdirən və ekspluatasiya edən təşkilatlanmış qüvvə kimi də göstərmək olar. Ekstremizmi dünyada aktual edən formalarından biri də elə millətçi ekstremizmdir. Bu forma millət və xalqlar arasında nifaq toxumları səpmək, düşmənçilik yaratmaqla özünü göstərir. "Öz millətinin" maraqlarını ifadə edərək başqa xalqların hüququ və azdlıqlarını qəbul etmir. Millətçi ekstremizm orqanik olaraq ceperatizmlə (separatisme fransız sözü olub ayrı, ayrıca deməkdir) birbaşa əlaqəlidir. O çoxmillətli dövlətlərin dağılmasını, yerli millətin ali hakimiyyətinin təsdiqinə istiqamətlənir.

Məsələn Rusiyanın hüquq mühafizə orqanlarının məlumatına görə, bu gün Rusiyada 200-dən artıq təşkilat var ki, "Rusiya ruslar üçündür" şuarı altında fəaliyyət göstərir. Elə bir o qədər də təşkilat var ki, dini fundamentalizm ideyalarına xidmət edir. Onların bəziləri terrorist qruplaşmaları kimi də fəaliyyət göstərirlər. Bu yalnız Rusiya üçün göstəricilərdir. Rusiyada ekstremizmin bir forması da özünü göstərir. Hərbi ekstremizm. Beynəlxalq təcrübədə Çeçenistanda baş verən hadisələr terrorizm kimi deyil, məhz hərbi ekstremizm kimi qiymətləndirilir. Amma yenə də beynəlxalq hüquq tərəfindən cinayətkar hərəkətlər kimi tənqid olunur. Fərq problemin həlli yollarında qoyulur. Terrorizm təşkil olunmuş ekstremizm və ya dinc əhaliyə qarşı qeyri legitim zorakılıq hesab edilir. Dünya tarixi təcrübəsi göstərir ki, formasından asılı olmayaraq ekstremizm istər faşizm, istər etno-dini radikalizm və ya başqa formalarında fəaliyyətə başlayanda cəmiyyəti mərhələli şəkildə təsir altına düşməyə başlayır. Əvvəlcə kütləvi şüura nəzarət formaları öyrənilir, real və kiçik incikliklər körüklənərək aqresiv hərəkətlərə sövq edilirlər. Elə məhz buna görə də ekstremizmə qarşı əks vasitə kimi cəmiyyətdə ksenefobiya aqresiyasının xəbərdarlıqlarınin aparılması çox böyük əhəmiyyət daşıyır. Bunu bir çox demokratik dövlətlər tətbiq edir. Xüsusilə də o dövlətlər ki, əhalisinin ekstremist təşkilatlarına kütləvi axın dəhşətini öz tarixlərində yaşayıblar (Məsələn, Almaniya).

Problem ondadır ki, cəmiyyət ekstremizmin müxtəlif təzahürlərinə passiv münasibət göstərir, dövlət isə hüquqi və siyasi reaksiyada həmişə gecikir. Əgər ekstremist hərəkatların fəaliyyəti dövlət və cəmiyyət tərəfindən əks təzyiq almırsa bütün ictimai siyasi həyat eroziyaya uğramağa, konstitusyon əsaslar laxlamağa başlayır. Sonunda dünyada ekstremizmin səviyyəsi artır.

Təcrübə göstərir ki, ekstremizm, terrorizm, rüşvətxorluq, narkomaniya və başqa bu kimi cəmiyyət xəstəlikləri tək hakimiyyətin yuxarıdan fəaliyyəti ilə mübarizə etmək əhəmiyyətsizdir. Cəmiyyətin dəstəyi vacibdir. Məsələn, Amerika öz cəmiyyətində möcüzə yaradaraq bütün irqi problemləri çoxqısa müddətə həll etdi. Bununla da irqi ekstremizmin fəaliiyətini sıfıra endirdi. Amerikada rasizm əsrlərlə olub və ölkə elitası tərəfindən tam dəstək alıb. Amma Con Kennedinin ölkədə hakimiyyətə gəlməsi ilə o ölkədə müxtəlif irqlərin hüquqlarının qorunması haqda federal qanun qüvvəyə mindi. Bununla da hər şey dəyişdi və yaxud da başqa cür desək dəyişim prosesi başladı.

Bu gün narahat edən məsələlərdən biri də dini ekstremizmdir. Bu ekstremizmdə bir konfessiya (dini cərəyan) daxilində digərinə qarşı aqressivlik, sıxışdırma özünü göstərir. Bəzən bu forma tək dini deyil, məqsədlərlə də yönəldilir. Təcrübə göstərir ki, 80-85 faiz dini ekstremizmin sonu dini terrorizmlə bitir. İslam dövlətlərində bu faiz daha da çoxdur. Xüsusilə də bu təhlükə Orta Asiyanın keçmiş sovet respublikalarına aiddir. Bu respublikalarda dini, yəni islam ekstremizminin inkişafına sosial problemlərin çoxalması, regionlarda avtoritar idarəçiliyin güclənməsi ilə yanaşı dini savadsızlıq da səbəb olur.

Statistikaya görə, bu ölkələrdə hər 100 molladan cəmi 4-ü dini savada malikdir. Qalanlar isə dini istədikləri şəkildə təbliğ edirlər. Bunun nəticəsi də dəhşətli olur. Son illər bu respublikalarda dini ekstremizmlə mübarizəyə həsr olunan beynəlxalq konfransların artması da həyəcan təbilinin çalındığını göstərir. Artıq Milli Təhlükəsizlik orqanları və dini qurumlarla iş şöbələri ciddi fəaliyyətə başlayıb.

Ekstremizmin özünü göstərən kəskin formalarından biri də iqtisadı ekstremizmdir. İqtisadiyyat sahəsində ifrata varılması, qloballaşmanın, böhranların çoxu sonunda iqtisadi ekstremizmə gətirib çıxarır. İqtisadi münasibətlər fonunda iqtisadi ekstremizm çoxtərəfliliyin ləğvinə və mülkiyyətin bir formasının və ya birininin əlində mərkəzləşməsinə, sosial xərclərin kəskin qurulmasına, sahibkarlıq sahəsində rəqabətin ləğvinə istiqamətlənir. O öz əksini cinayətkar və ya qeyri konstitusyon qruplaşmaların fəaliyyətində tapır və aksioner cəmiyyətlərin, kommersiya təşkilatlarının adı altında təşkilatlanır. Əsas fəaliyyət istiqaməti isə rəqiblərə təzyiq, təqib, hücum, dövlət qurumlarının rəhbərlərini qorxu altında saxlamaq və sair olur.

Bir də dünyada o qədər də aktiv olmayan mədəni və ekoloji ekstremizm var. Mədəni ekstremizm başqa mədəniyyətlərin nailiyyətlərini inkar edir, milli dəyərləri və tarixi abidələri məhv edir. Ekoloji ekstremizm təkcə effektli təbiəti mühafizəyə qarşı deyil, həm də elmi texniki inkişafa qarşı da çıxır.

Rüstəm Cəfərov

Yazı Vətəndaş Cəmiyyəti Naminə Maarifləndirmə İctimai Birliyinin Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirdiyi “Dini radikalizm və ekstremizm - milli təhlükəsizliyə əsas təhdidlərdən biri kimi” layihəsi çərçivəsində hazırlanıb
Borcu olan abonent "Azərsu" əməkdaşını DÖYDÜFevralın 17-də “Azərsu” ASC-nin Abşeron rayon “Su-Kanal” İdarəsinin əməkdaşı Elbrus Allahverdiyevə qarşı zor tətbiq olunması ilə bağlı rayon prokurorluğuna məlumat daxil olub.

Abşeron rayon prokurorluğundan Avrasiya.net-ə verilən məlumata görə, araşdırmalarla Abşeron rayonu Nübar qəsəbə sakini Müzəffər Mahmudovun 2021-ci ilin iyul ayından istifadə etdiyi suyun dəyərinin ödənilməsini ondan tələb edərək öz xidməti vəzifələrini icra edən “Su-Kanal” İdarəsinin əməkdaşı Elbrus Allahverdiyevə zor tətbiq edib yüngül dərəcəli bədən xəsarətləri yetirməsinə əsaslı şübhələr müəyyən edilib.

Faktla bağlı Abşeron rayon prokurorluğunda Cinayət Məcəlləsinin 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi başlanıb.

Hazırda iş üzrə istintaq davam edir.
Rusiya Zelenskinin yerinə adam tapdıDövlətə xəyanətdə təqsirli bilinən eks-prezident Viktor Yanukoviç indi Minskdədir. O, xüsusi əməliyyata hazırlanır.

Axar.az xəbər verir ki, bu barədə “Ukrainskaya Pravda” Ukrayna kəşfiyyatındakı mənbələrə istinadən məlumat yayıb.

Məlumata görə, onu orada Ukrayna Prezidenti elan etməyə çalışacaqlar:

“Kreml yaxın vaxtlarda eks-prezident Yanukoviçin Ukraynaya qayıtmasını və ya onun adından Ukrayna xalqına müraciət üçün xüsusi əməliyyat apara bilər. Bu barədə siqnallar var”.