2 nömrəli Uşaq-Gənclər İnkişaf Mərkəzinin “Mədəniyyətimizin incisi Şuşa” adlı rəsm sərgisi keçirilib13 yanvar 2022-ci il tarixində Xətai Sənət Mərkəzində Təhsil Nazirliyi 2 nömrəli Uşaq-Gənclər İnkişaf Mərkəzinin “Mədəniyyətimizin incisi Şuşa” adlı rəsm sərgisi keçirilib.

Sərginin keçirilməsində məqsəd, Azərbaycan Ordusunun Vətən müharibəsindəki zəfər yürüşünü, şanlı qələbəsini, işğaldan azad olunmuş şəhərlərini, kəndlərini uşaqlara və gənc nəsilə tanıtmaq, həmçinin onların yaradıcılıq qabiliyyətlərini inkişaf etdirmək, istedadlarını üzə çıxarmaqdan ibarətdir.

Mərkəzin “Gənc tərtibatçı rəssamlar” dərnəyinin üzvlərinin 2022-ci ilin “Şuşa ili” elan olunması ilə əlaqədar, “Mədəniyyətimizin incisi Şuşa” devizi altında çəkdikləri 60-a yaxın rəsm işi sərgidə nümayiş etdirilib.
Öncə YAP Xətai rayon təşkilatının sədri Vüqar Rəhimzadə və Mərkəzin direktoru Əminə xanım Musayeva Vətən müharibəsi dövründə təşkil olunmuş sərgi və müsabiqələrdə fəal iştirak edərək müxtəlif nailiyyətlər əldə edən dərnək üzvlərinin çəkdikləri rəsmlərlə yaxından sonra tanış oldular və ölkəmizin qazandığı qələbəni rəsmə çevirən uşaq və yeniyetmələrə uğurlar arzuladılar.

Daha sonra Vüqar Rəhimzadə Əminə xanım Musayevaya “Mədəniyyətimizin incisi Şuşa” rəsm sərgisinin təşklində fəal iştirakına görə rayon təşkilatının Fəxri fərmanını təqdim edib.
Sərgidə "Vokal" qrupu "Mən fəxr edirəm ki, azərbaycanlıyam” mahnısı ilə "Təbəssüm" rəqs qrupu isə “Qarabağım” və “Sarı gəlin” rəqsləriylə çıxış edərək qonaqların böyük marağına səbəb oldu.

Sonda “Gənc tərtibatçı rəssamlar” dərnəyinin üzvləri Vətən müharibəsi dövründə təşkil olunmuş sərgi və müsabiqələrdə fəal iştirak etdiklərinə görə Təşəkkürnamə ilə mükafatlandırıldılar.
İctimai Nəzarət Mərkəzinin onlayn konfransı keçirilibİctimai Nəzarət Mərkəzinin 14 yanvar 2022-ci il tarixində “Vətəndaşların sosial problemləri və ictimai nəzarət” mövzusunda onlayn konfrans keçirilib.

Konfransda bir sıra dövlət qurumları, QHT və KİV nümayəndələri iştirak edib. İctimai Nəzarət Mərkəzinin sədri Rauf Zeyni iştirakçıları salamlayaraq tədbiri açıq elan edib. Daha sonra dünyada, eləcə də ölkəmizdə mövcud olan sosial problemləri, bu problemlərin həlli üçün keçirilən tədbirlər, islahatlar barədə iştirakçılara məlumat verib. Konfransda məruzəçi qismində çıxış edən “Vətəndaşların Sosial Rifahı Naminə” İctimai Birliyinin sədri İradə Rzazadə öz məruzəsini tədbir iştirakçılarına təqdim edərək həyata keçirilən sosial islahatların əhəmiyyətini qeyd edib.

Konfrans müddətində bir sıra dövlət qurumları və QHT nümayəndələri, ictimai şura üzvləri - Əmək və Əhalinin Sosial Müdafiəsi Nazirliyinin yanında İctimai Şuranın sədri Elşad Məmmədov, Şəmkir Təlim və Resurs Mərkəzinin sədri Fuad Bədəlov, “Azərbaycan Sahibkar Qadınlar” İctimai Birliyinin sədri Zenfira Ağayeva, Balakən rayonu İcra Hakimiyyətinin ictimai, siyasi və humanitar məsələləri üzrə şöbəsinin baş məsləhətçisi Aynur Omanova, “Cəmiyyətin və Vətəndaş Münasibətlərinin İnkişafı İB-nin sədri Əhməd Abbasbəyli, ATXƏM-in sədri İlham İsmayılov, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupunun rəhbər müavini Tanrıverdi Aydınov, Əbdürrəhim bəy Haqverdiyev Mərkəzinin rəhbəri Eldar Məlik-Abbas, Dövlət Miqrasiya Xidmətinin əməkdaşı Adəm Salahov, Bakı Şəhər İcra Hakimiyyətinin nümayəndəsi İsrafil Kərimov, “İnkişafa və islahatlara dəstək” İB-nin sədri Ramil Əliyev, Azadlıq Hərəkatçıları Birliyinin sədri Təhmasib Novruzov, “İnkişaf və Rifah Naminə” İB-nin sədri Zəminə Səfərova, Dövlət Gömrük Komitəsinin nümayəndəsi Vüqar Əliyev, Mədəniyyət Nazirliyi yanında İctimai Şuranın sədri Gəray Əlibəyov, Sumqayıt şəhəri İcra Hakimiyyətinin şöbə müdiri Fərman Kazımov, Şirvan rayonu İcra Hakimiyyətinin şöbə müdiri Adəm Hüseynov, Əlil Qadınlar Cəmiyyətinin sədri Məhluqə Rəhimova, Əmək və Əhalinin Sosial Müdafiəsi Nazirliyinin əməkdaşı Ülvi Qiyasov və.s digər iştirakçılar çıxış edərək öz fikir və təkliflərini bildirib.

Yekunda İradə Rzazadə verilən sualları cavablandırıb və sosial problemlərin həllinə dair öz təkliflərini irəli sürüb. Rauf Zeyni tədbir iştirakçılarına öz təşəkkürünü bildirib və İctimai Nəzarət Mərkəzinin fəaliyyətinə uğurlar arzulayıb.
Daha bir erməni azıb Azərbaycanın nəzarətindəki əraziyə keçdiRusiya sülhməramlılarının nəzarətində olan Laçın şəhərində məskunlaşmış mülki erməni “sakin” yanvarın 14-də azaraq, Azərbaycan Ordusunun nəzarət etdiyi əraziyə keçib.

Avrasiya.net Ermənistan KİV-lərinə istinadən xəbər verir ki, yayılan məlumata görə, guya, 69 yaşlı erməninin psixi sağlamlığında problemlər var.

1953-cü il təvəllüdlü Andranik Aleksanyanın geri qaytarılması üçün tədbirlər görüldüyü bildirilir.

“Hadisə barədə dərhal Rusiya sülhməramlılarına məlumat verilib. Hazırda Azərbaycan tərəfi ilə danışıqlar aparılır”, - məlumatda deyilir.

Xatırladaq ki, dünən Zəngəzur bölgəsində yolu azaraq Azərbaycana keçmiş bir mülki erməni Ermənistan tərəfinə təhvil verilib.
Əliyev və Zelenski bəyanatlarla çıxış etdiYanvarın 14-də Ukraynada işgüzar səfərdə olan Azərbaycan Respublikasının Prezidenti İlham Əliyev və Ukrayna Prezidenti Volodimir Zelenski sənədlərin imzalanması mərasimindən sonra mətbuata bəyanatlarla çıxış ediblər.

Avrasiya.net xəbər verir ki, əvvəlcə Prezident İlham Əliyev bəyanatla çıxış edib.
Polis şöbəsindəki qətlə görə general-polkovnik orqandan QOVULDUÖtən il sentyabrın 30-da serjant İsmayıl Məmmədovun şöbədə arvadını güllələyib öldürməsinə görə rəsmi şəxslər cəzalandırılıb.

Avrasiya.net Qafqazinfo-ya istinadən xəbər verir ki, arvadı Xanım Məmmədovanın şöbədə olduğu vaxt əri İ.Məmmədovu oraya çağıran Nizami RPİ-nin 24-cü Polis Şöbəsinin təhqiqatçısı, polis polkovnik-leytenantı Füzuli Qurbanovla bağlı qərar verilib.

Daxili işlər naziri, general-polkovnik Vilayət Eyvazovun əmri ilə F.Qurbanov daxili işlər orqanlarında xidmətdən xaric edilib.

Nazirin digər əmri ilə həmin şöbənin rəisi, polis polkovnik-leytenantı Seymur Qarayevə şiddətli töhmət verilib.

Qeyd edək ki, İsmayıl Məmmədov şöbədə uşaqları ilə birgə təhqiqatçı Füzuli Qurbanovun otağında gözləyən arvadı Xanım Məmmədovaya xidməti silahından 15 dəfə atəş açaraq qətlə yetirib.
Mətbuat Şurasından bu sayta xəbərdarlıqAzərbaycan Mətbuat Şurasının (MŞ) Şikayətlər üzrə Komissiyasının növbəti iclası keçirilib.

MŞ-dən Avrasiya.net-ə verilən xəbərə görə, toplantını açan komissiya sədri, Jurnalistlərin Həmkarlar İttifaqının rəhbəri Müşfiq Ələsgərli gündəlikdə duran məsələlər barədə məlumat verib.

Komissiya “Təmiz Dünya” Qadınlara Yardım İctimai Birliyinin sədri Mehriban Zeynalovanın “Gündemxeber.az” saytına qarşı şikayətini araşdırıb. Sayt təmsilçisi bildirib ki, narazılığı nəzərə alaraq Mehriban Zeynalovanın mövqeyi saytda yerləşdirilib. Bununla da məsələ öz həllini tapıb.

Azərbaycan Dövlət Aqrar Universitetinin Mətbuat və İctimaiyyətlə əlaqələr şöbəsinin müdiri Elcan Məmmədovun “Aktualxeber.az” saytına qarşı şikayəti araşdırılarkən bəlli olub ki, “Aktualxeber.az” saytında Azərbaycan Dövlət Aqrar Universiteti haqqında qısa müddət ərzində yeddi material dərc edilib. Materialların heç birində qarşı tərəfin rəyi öyrənilməyib, ittihamedici bilgilərin dəqiqləşdirilməsinə təşəbbüs göstərilməyib. Qarşı tərəfin öz mövqeyini ifadə etmək üçün göstərdiyi təşəbbüslər, sayt redaksiyasına edilən müraciətlər də cavabsız qalıb. Beləliklə, Azərbaycan Jurnalistlərinin Peşə Davranışı Qaydalarının (AJPDQ) birinci və ikinci prinsipləri pozulub. Komissiya müəyyən edib ki, “Aktualxeber.az” saytında dərc edilən materiallar AJPDQ ilə yanaşı, Azərbaycan qanunlarının da pozulması ilə müşaiyət olunur.

MŞ adından sayta ciddi xəbərdarlıq edilib. Media orqanına qarşı tərəfin öz mövqeyini ifadə etməsi üçün şərait yaradılması tövsiyə edilib.

Bakı şəhər sakini Xalid Abuzərlinin “Demokrat.az” saytına qarşı şikayətini araşdırarkən bəlli olub ki, saytın yayımladığı materialda qarşı tərəfin rəyi öyrənilməyib. “Demokrat.az”ın təmsilçisi Malik Liftiyev bildirib ki, bunu yerinə yetirməyə hazırdırlar. Şikayətçi tərəf razılaşıb. Məsələ öz həllini tapıb.

Bakı şəhər sakini Fuad Əliyevin “Fakt və Problemlər hüququ”nun baş redaktoru Saleh İbrahimoğluna qarşı şikayəti araşdırılarkən bəlli olub ki, “Fakt və Problemlər hüququ” adı ilə fəaliyyət göstərən subyektin rekvizitləri yoxdur. Onunla əlaqə saxlamaq imkansızdır. Şikayətçiyə tövsiyə edilib ki, hüquq mühafizə orqanlarına müraciət etsin.

Komissiya üzvləri telejurnalist Günel Gözəlovanın “Buta” klinikasının uroloq-androloqu Araz Bayramova qarşı şikayətinə də baxıb. Şikayətçiyə bildirilib ki, tərəflər arasındakı mübahisə hüquq-mühafizə orqanları müstəvisində araşdırılır.

Komissiya həmçinin Avropa Azərbaycan Konqresinin bir qrup internet media orqanına qarşı şikayətini də nəzərdən keçirib. Mövcud xüsusda bildirilib ki, sözügedən qurumla əlaqədar materiallarda birtərəfli təqdimata yol verilib. Bu, peşə prinsiplərinin pozulmasıdır. Belə olan halda hətta dəqiq bilgilər də cəmiyyətə çatsa, jurnalistika dəyərləri gözlənilməmiş sayılır, obyektivlik şübhə altına alınır, qərəz motivləri üzə çıxır ki, bunlar isə medianın ictimai missiyasına zidd təmayüllərdir.
Azərbaycanda orta aylıq əmək haqqı artdıÖtən il dekabrın 1-nə Azərbaycan iqtisadiyyatında muzdla çalışan işçilərin sayı əvvəlki ili8n eyni dövrü ilə müqayisədə 20,4 min nəfər və yaxud 1,2 % artaraq 1 704,9 min nəfər olub.

Bu barədə Avrasiya.net-ə Dövlət Statistika Komitəsindən bildirilib.

Məlumata görə, onlardan 905,7 min nəfəri iqtisadiyyatın dövlət, 799,2 min nəfəri isə qeyri-dövlət sektorunda fəaliyyət göstərib.

Muzdla işləyənlərin 19,5 %-i təhsil, 18,6 %i ticarət; nəqliyyat vasitələrinin təmiri, 13 %-i sənaye, 8,1 %-i əhaliyə səhiyyə və sosial xidmətlərin göstərilməsi, 7,4 %-i tikinti, 6,6 %-i dövlət idarəetməsi və müdafiə; sosial təminat, 4,3 %-i nəqliyyat və anbar təsərrüfatı, 3,6 %-i kənd təsərrüfatı, meşə təsərrüfatı və balıqçılıq, 3,4 %-i peşə, elmi və texniki fəaliyyət, 1,8 %-i maliyyə və sığorta fəaliyyəti, 13,7 %-i isə iqtisadiyyatın digər sahələrində məşğul olub.

2021-ci ilin yanvar-noyabr aylarında ölkə iqtisadiyyatında muzdla çalışan işçilərin orta aylıq nominal əmək haqqı əvvəlki ilin müvafiq dövrünə nisbətən 2,9 % artaraq 724,1 manat təşkil edib. İqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, eləcə də nəqliyyat və anbar təsərrüfatı sahələrində orta aylıq nominal əmək haqqı daha yüksək olub.
“Azərbaycanın KKTC-ni tanıması önəmli bir adım olar”Hökumət qurulduqdan sonra Ankaraya ilk rəsmi səfəri çərçivəsində Türkiyə Prezidenti Rəcəb Tayyib Ərdoğan tərəfindən qəbul edilən Quzey Kıbrıs Türk Cümhuriyyətinin (KKTC) baş naziri Faiz Sucuoğlu "Anadolu" agentliyi müxbirinin suallarını cavablandırıb.

Avrasiya.net xəbər verir ki, Türkiyəyə gələndə özünü evindəki kimi hiss etdiyini deyən Sucuoğlu hər zaman olduğu kimi, Ankarada da böyük qonaqpərvərliklə qarşılandığını bildirib.

Baş nazir Azərbaycanla bağlı münasibətlərdən də söz açıb. KKTC ilə Türkiyənin "iki dövlət, tək millət" olduğunu vurğulayan Sucuoğlu bunları qeyd edib:

"Bu, hər zaman belədir. Azərbaycanı da daxil etsək, "üç dövlət, tək millət". İnşəallah, önümüzdəki müddətdə azərbaycanlı qardaşlarımızla həm siyasi, həm də iqtisadi sahədə təmaslarımız artar. Gözləntimiz, xüsusilə, qardaş olaraq, eyni kökdən gəldiyimiz, eyni dili danışdığımız, eyni dini paylaşdığımız Azərbaycanın da Quzey Kıbrıs Türk Cümhuriyyətini tanımasıdır. Bu, önəmli bir addım olar. Zatən biz də qərarımızı verdik, artıq "federasiya" yoxdur. Bundan sonra iki suveren, bərabərhüquqlu dövlət statusu müzakirə mövzusudur. Bu məsələdə prezidentimiz Ersin Tatarın dik duruşu, Türkiyə Cümhuriyyətinin Prezidenti Rəcəb Tayyib Ərdoğanın inanılmaz dəstəyi var.
İlham Əliyev Zelenski ilə görüşdüPrezident Vladimir Zelenskinin dəvəti ilə Ukraynada işgüzar səfərdə olan Azərbaycan Respublikasının Prezidenti İlham Əliyevin Ukrayna Prezidenti ilə təkbətək görüşü başlayıb.

Avrasiya.net xəbər verir ki, bu barədə Azərbaycan Prezidentinin Mətbuat Xidməti məlumat yayıb.
NATO Rusiya sərhədləri yaxınlığında qüvvələrini yerləşdirəcək - LavrovŞimali Atlantika Alyansı yaxın aylarda Rusiyanın Ukraynaya müdaxiləsi təhlükəsi bəhanəsi ilə Rusiya sərhədləri yaxınlığında qüvvələr yerləşdirməyə başlaya bilər. Bunu Rusiya xarici işlər naziri Sergey Lavrov Rusiya diplomatiyasının 2021-ci ildəki fəaliyyətinin yekunlarına dair mətbuat konfransında deyib.

“Bizim inanmaq üçün əsasımız var, hazırda Qərbdən eşidilən gurultulu bəyanatlar ki, Rusiya Qərbin öz ərazisindəki qoşunları ilə necə davranacağına dair tələblərinə tabe olmasa, Qərb NATO xüsusi əməliyyat qüvvələrinin sərhədlərimiz ətrafında fəaliyyətini artıracaq” deyib.

Lavrov qeyd edib ki, NATO-ya daxil olan ölkələrin əraziləri alyans tərəfindən hərbi cəhətdən aktiv şəkildə inkişaf etdirilir. “Əgər bizim təklifimiz hərbi qarşıdurmanı, Avropada ümumi vəziyyətin azaldılmasına yönəlibsə, Qərbdə bunun tam əksi baş verir: NATO öz quru qoşunlarını, aviasiyasını Ukraynaya birbaşa bitişik ərazilərdə qurur. Qara dənizdəki təlimlərin miqyası və sayı son zamanlara nisbətən dəfələrlə artıb”, - deyə o qeyd edib.

Nazir izah edib ki, Rusiya hazırda təhlükəsizlik təminatı ilə bağlı təkliflərini irəli sürüb, çünki “vəziyyət Avropada silah, hərbi texnika və silahlı qüvvələrin real konfiqurasiyası ilə dəyişib.