Cəlilabadda intihar - 45 yaşlı kişi özünü yandırdıCəlilabadda 45 yaşlı kişi özünü yandıraraq inthar edib.

Avrasiya.net "Qafqazinfo"ya istinadla xəbər verir ki, rayon sakini 1975-ci il təvəllüdlü Həsənov Vüqar Azadxan oğlu özünü yandırıb.

Ağır yanıq xəsarətləri alan V.Həsənov ilk öncə Cəlilabad rayon Mərkəzi Xəstəxanasına, daha sonra isə Bakıda 5 saylı xəstəxanaya yerləşdirilib. Həkimlərin səyinə baxmayaraq, onun həyatını xilas etmək mümkün olmayıb.

Faktla bağlı araşdırma aparılır.
Mübariz Mənsimov FETÖ silahlı terror təşkilatının Rusiyadakı məktəblərinə pul köçürüb - Video"Xəzər Lənkəran"nın qurucusu və sahibi Mübariz Mənsimovun işi ilə bağlı sənədlər İstanbul 27-ci Ağır Cəza Məhkəməsinə göndərilib.

Bu barədə “Palmali”nin mətbuatla əlaqələr şöbəsinin rəhbəri Fidan Quliyeva məlumat verib.

"İddianamə aktı hələki məhkəmənin dəyərləndirməsi mərhələsindədir. Buna görə vəkillərlə bölüşülmür. İlk növbədə məhkəmənin iddianaməni nəzərdən keçirəcəyi gözlənilir", - deyə Fidan Quliyeva bildirib.

Türkiyənin “Anadolu” agentliyi isə xəbər yayıb ki, tanınmış azərbaycanlı iş adamına qarşı FETÖ terror təşkilatına üzv olmaqla bağlı rəsmi ittiham irəli sürülüb.

İddiaya görə, İstanbul Baş Prokurorluğu Terrorizm və Mütəşəkkil Cinayətkarlıqla Mübarizə Bürosu tərəfindən hazırlanan ittiham aktında müttəhim Mübariz Mənsimovun və onun əlaqədə olduğu şəxslərin fəaliyyətləri barədə araşdırma aparıldığı bildirilib.

İttihamda Mübariz Mənsimovun FETÖ/PDY silahlı terror təşkilatının Rusiyadakı məktəblərinə pul köçürdüyünə dair internet vasitəsilə araşdırma aparıldığı qeyd olunub.

Araşdırma nəticəsində “Atlantic İnternational School” adlı məktəbin idarə heyəti üzvlərinin adlarının və fotoşəkillərin olduğu veb-link görüntülərində M.Mənsimovla yanaşı, təşkilat üzvü və rəhbəri, axtarışda olan Akın İpek, Harun Tokak və İhsan Kalkavanın da yer aldığı iddia olunub. İttiham aktında Mənsimovun FETÖ/PDY lideri Fətullah Gülənin qardaşı oğlu Səlman Gülən ilə də əlaqələrinin olduğu ifadə edilib.

Təqsirləndirilən Mübariz Mənsimovun “silahlı terror təşkilatına üzv olmaq” səbəbilə 7 il 6 aydan 15 ilə qədər həbs cəzası istənilib. İddianamə İstanbul 27-ci Ağır Cəza Məhkəməsi tərəfindən qəbul edilib. Təqsirləndirilən şəxslərin məhkəməsi yaxın günlərdə baş tutacaq.

“Aktual“TV isə bu informasiyaların əksini iddia edib. İnternet kanalının məlumatına görə, martın 15-də həbs olunan klub sahibinin əleyhinə heç bir fakt tapılmayıb. Həmin video ilə oxucuları tanış edirik. (sportinfo.az)
Azərbaycanda daha 352 nəfərdə koronavirus aşkarlandı, 2 nəfər öldüAzərbaycanda 352 yeni koronavirus infeksiyasına yoluxma faktı qeydə alınıb, 196 nəfər müalicə olunaraq sağalıb və evə buraxılıb.

Bu barədə Avrasiya.net-ə Nazirlər Kabineti yanında Operativ Qərargahdan məlumat verilib.

COVID-19 üçün götürülən analiz nümunələri müsbət çıxmış 2 nəfər vəfat edib.

Hazırkı dövrədək ölkəmizdə 9570 nəfərin koronavirus infeksiyasına yoluxması faktı müəyyən edilib, onlardan 5309 nəfər müalicə olunaraq sağalıb, 115 nəfər vəfat edib, 4146 nəfərin xüsusi rejimli xəstəxanalarda müalicəsi davam etdirilir.

Bu gün 7505 koronavirus testi aparılıb.
DİN-dən sərt karantin rejimi ilə bağlı - MüraciətDaxili İşlər Nazirliyi (DİN) iki günlük sərt karantin rejimi ilə bağlı açıqlama yayıb.

Nazirliyin Mətbuat xidmətindən Avrasiya.net-ə daxil olan açıqlamada deyilir:

"Məlum olduğu kimi Azərbayсan Respublikası Nazirlər Kabinetinin qərarına əsasən 2020-ci il 14 iyun saat 00:00-dan 16 iyun saat 06:00-dək Bakı, Gənсə, Sumqayıt, Lənkəran, Abşeron, Salyan, Kürdəmir, Yevlax, İsmayıllı şəhər və rayonlarının ərazisində sərtləşdirilmiş xüsusi karantin rejimi tətbiq ediləсək. Koronavirus infeksiyasının yayılmasının qarşısının alınmasına xidmət edən həmin məhdudiyyət tədbirlərini hər zaman anlayışla qarşılayıb dəstəkləyən, bu sahədə müəyyən edilmiş tələblərə nəzarəti həyata keçirən Daxili İşlər Nazirliyinin əməkdaşlarının və hərbi qulluqçularının fəaliyyətini yüksək qiymətləndirən bütün vətəndaşlarımıza, dövlət orqanlarının və qeyri-hökumət təşkilatlarının nümayəndələrinə dərin təşəkkürümüzü yetirir və hamınızı 15 iyun - Milli qurtuluş günü münasibəti ilə təbrik edirik.

Eyni zamanda, özünüzün, yaxınlarınızın və digər şəxslərin sağlamlığına zərər yetirməmək üçün сəmi iki gün davam edəсək özünütəcrid qaydalarına сiddi riayət olunmasını xahiş edirik.

Təxirəsalınmaz məsələlərin həlli ilə əlaqədar Daxili İşlər Nazirliyinin "102" Xidmətinə və "Qaynar xətti"nə ((012) 590-80-20) müraсiət edə bilərsiniz.

İnanırıq ki, vətəndaşlarımız bu dəfə də böyük təmkin və səbir nümayiş etdirəсək".

"Dünya miqyasında Azərbaycan diplomatiyasının uğurları, güclənməsi Heydər Əliyevlə bağlıdır" "Azərbaycan bu gün beynəlxalq aləmdə kifayət qədər uğurlara imza atıb və hazırda Azərbaycanın təcrübəsi dünya üçün bir nümunədir".

Bu sözləri SİA-ya açıqlamasında Beynəlxalq Münasibətlərin Araşdırılması Mərkəzinin sədri, politoloq Rufiz Qonaqov deyib.

O bildirib ki, Azərbaycan Respublikası hazırda dünya birliyində nüfuz və söz sahibidir, eyni zamanda, ölkəmiz beynəlxalq təşkilatlarda, istər Birləşmiş Millətlər Təşkilatında, istər AŞPA-da, istər ATƏT-də, eyni zamanda İslam Əməkdaşlıq Təşkilatında nüfuz sahibidir və eləcə də Qoşulmama Hərəkatına 3 il müddətinə sədrlik edir: "Dünyanın Birləşmiş Millətlər Təşkilatından sonra ikinci ən böyük nüfuzlu beynəlxalq qurumu olan Qoşulmama Hərəkatının artıq ilk Zirvə görüşü də ölkəmizdə keçirildi. Azərbaycan bu nailiyyətləri pillə-pillə əldə edib. Bunun əsası Ümumilli Lider Heydər Əliyev hakimiyyətə qayıdandan sonra qoyulub. 1993-cü ildə ölkəmiz parçalanma təhlükəsi ilə üzləşmişdi. 2 gün sonra biz atıq Milli Qurtuluş Gününün 27-ci ildönümünü qeyd edəcəyik. Əgər 1993-cü ildə Heydər Əliyev yenidən xalqın dəvəti ilə hakimiyyətə qayıtmasaydı təbii ki, Azərbaycanın bugünkü uğurlarından danışmaq olmazdı.

Dünya miqyasında Azərbaycan diplomatiyasının uğurları, iqtisadi qüdrətinin gücləndirilməsi, təbii ki, Heydər Əliyevlə bağlıdır. Bu uğurlu siyasəti onun layiqli davamçısı Prezident İlham Əliyev davam etdirməyə başladı. Heydər Əliyevin hakimiyyəti dövründə Əsrin Müqaviləsi imzalandı və Azərbaycan bununla bütün dünyaya sübut etdi ki, müstəqil bir dövlət olaraq özünün taleyinə məhz, özü qərar verə bilrə. Bundan sonra Azərbaycan böyük bir enerji ölkəsinə çevrildi və bir enerji ölkəsi kimi dünyanın xəritəsini dəyişməyə başladı. Bu gün ölkəmiz Avropanın enerji təhlükəsizliyində böyük bir nüfuza malikdir. Azərbaycan baxmayaraq ki, Ermənistan tərəfindən işğala məruz qalıb. Lakin, ölkəmizin ərazi bütövlüyü bütün dünya tərəfindən tanınır. Heç bir dövlət qondarma, seperatçı rejimi tanımır. Bu Azərbaycan diplomatiyasının, ölkəmizin dünya birliyindəki nüfuzunun göstəricisidir. Bu gün Azərbaycan ordusu gücünə görə dünyanın 50 ölkəsindən biridir. Bu baxımdan təsadüfi deyil ki, Azərbaycan Qoşulmama Hərəkatı kimi nüfuzlu beynəlxalq quruma bu gün sədrlik edir".

Rufiz Qonaqovun sözlərinə görə, qısa bir müddətdə müstəqilliyimizi bərpa etməyimizə baxmayaraq, bu gün ölkəmiz Birləşmiş Millətlər təşkilatı kimi nüfuzlu qurumun qeyri-daimi üzvü olaraq Təhlükəsizlik Şurasına da rəhbərlik edir: "Halbuki bu rəhbərlik missiyasına xeyli sayda dövlətlər namizəd idi. Azərbaycanla bütün dünya birliyinin ölkələri, o cümlədən də Avropa strukturları hesablaşırlar. Azərbaycanla bu gün diqtə dilində danışmaq mümkün deyil. Dünyanın pandemiya ilə üz-üzə qaldığı bir dövrdə Ümumdünya Səhiyyə Təşkilatının reytinqində Azərbaycanı nümunə göstərirlər. Dünyanın səhiyyə sahəsində uğur əldə etmiş iri Avropa ölkələrinin edə bilmədiklərini Azərbaycan etdi. Bunlar Prezident İlham Əliyevin və Birinci vitse-prezident Mehriban xanım Əliyevanın güclü iradəsi sayəsində, xalqla həmrəyliyi sayəsində əldə edilmiş uğurlardır. Azərbaycan bu gün beynəlxalq aləmdə kifayət qədər uğurlara imza atıb və hazırda Azərbaycanın təcrübəsi dünya üçün bir nümunədir".
Teleaparıcı Tahir Məmmədovda koronavirus aşkar edildiTeleaparıcı Tahir Məmmədov ona "COVID-19" koronavirusu diaqnozu qoyulduğunu söyləyib

Virtualaz.org bildirir ki, bu barədə "Moskovskiy Komsomolets" yazır.

Şoymen sosial şəbəkədə bu infeksiyaya yoluxduğunu təsdiqləyən laboratoriya analizinin nəticələrini paylaşıb.

“Xəstələnmək heç də xoş deyil! Özünüzü qoruyun!”, - izləyiciləri ilə paylaşdığı analizinin nəticəsinə şərh yazıb.

Tahir Məmmədov onda koronavirusun hər hansı simptomunun olub-olmadığını qeyd etməyib.

İzləyiciləri ulduza tezliklə sağalmağı arzulayıblar və onun immunitetini gücləndirərək, xəstəliyə qalib gəlməsini diləyiblər.

Qeyd edək ki, Tahir Namiq oğlu Məmmədov 1981-ci ildə Bakıda anadan olub. O, kino və televiziya aktyoru, kinorejissor, ssenarist, prodüser, teleaparıcı, şoumen və yumor ustasıdır. N.Məmmədov “Comedy Club”un keçmiş prezidentidir.
İsti hava koronavirusu niyə məhv etmədi? - Professor açıqladı“İkinci artım dövrünü yaşayan İrana baxırıq. Hava çox istidir. Deməli, havanın temperaturunun pandemiyaya heç bir təsiri yoxdur”.

Publika.az xəbər verir ki, bu sözləri Türkiyənin Hacettepe Universiteti Tibb Fakültəsinin Uşaq Yoluxucu Xəstəlikləri Şöbəsinin rəhbəri Mehmet Ceyhan deyib.

Professor bildirib ki, havanın temperaturuna aldanmamaq lazımdır: “İstiliyin pandemiya üzərində müsbət təsirinin olacağını və pandemiyanın iyunun əvvəlində bitəcəyini bir çox insan dilə gətirdi. Burada diqqətdən qaçan iki əhəmiyyətli nöqtə var. Onlardan birincisi, pandemiya mövsümi xəstəliklərdən fərqlidir. Onun mövsümü olmaz. İkincisi, ABŞ-da aparılan modelləşdirməni araşdırma kimi dəyərləndirdilər. Doğru olmadığını gördük”.
Bakıdan rayonlara getmək istəyənlər geri qaytarılır - FOTOSərtləşdirilmiş karantin rejimindən əvvəl Bakı şəhəri və Abşeron rayonunda qeydiyyatda olan bəzi şəxslər rayonlara buraxılmaması Bakı-Şamaxı yolunda böyük tıxaca səbəb olub.

Rayonlara getmək istəyən şəxslər geri qaytarılır və bu səbəbdən yolda uzun tıxac yaranıb.

Qeyd edək ki, ötən gün Nazirlər Kabineti yanında Operativ Qərargahın mətbuat konfransında Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev bildrimişdi ki, Sərtləşdirilmiş karantin rejimindən əvvəl Bakı şəhəri və Abşeron rayonunda qeydiyyatda olan bəzi şəxslər rayonlara getmək istəyirlər.

Onun sözlərinə görə, Bakı, Abşeron və ya Sumqayıt qeydiyyatı olan şəxslər karantin postlarından rayonlara buraxılmayacaqlar: "Karantin postları həmin şəxsləri geri qaytaracaq. Ona görə də heç kim digər rayonlara getməyə cəhd etməsin" (trend).
Rəhim Qazıyevi döyənin kimliyi bəlli olduRəhim Qazıyevin xəsarət alması ilə bağlı başlanan cinayət işi üzrə keçmiş kürəkəni tərəfindən törədilməsi faktı üzrə istintaq araşdırmalarına başlanılıb.

Bu barədə Bakı şəhər Baş Polis İdarəsinin (BŞBPİ) Mətbuat Xidmətinin rəisi, polis mayoru Elşad Hacıyev bildirib. O qeyd edib ki, keçmiş kürəkəni tərəfindən R.Qazıyevə əvvəllər də anoloji qaydada xəsarət yetirməsi ilə bağlı hazırda məhkəmə prosesi aparılır.

Əlavə məlumat veriləcək.
“Heydər Əliyevin hakimiyyətə qayıdışı ölkənin taleyində dönüşün başlanğıcı oldu” - Aqil Məmmədov“Milli Qurtuluş günü kimi müasir tariximizə daxil olan 1993-cü ilin 15 iyun günü ümummilli lider Heydər Əliyevin Azərbaycan Milli Məclisinin sədri seçilməsi ölkəmizin taleyində dönüşün başlanğıcı oldu. Məhz Heydər Əliyevin hakimiyyətə gəlişindən sonra ölkəmizin müstəqilliyi möhkəmləndi, bütün sahələrdə dirçəliş baş verdi”.
Bu açıqlama ilə Milli Məclisin deputatı Aqil Məmmədov çıxış edib.

A.Məmmədov bildirib ki, 15 İyun – Milli Qurtuluş günü Azərbaycan xalqı üçün böyük ictimai, siyasi və tarixi əhəmiyyətə malik bir gündür: “Heydər Əliyev siyasi hakimiyyətə gələrkən Azərbaycanda xalqının maraqlarına uyğun olmayan vəziyyət hökm sürürdü. Ölkənin belə bir ağır durumunda düşdüyü vəziyyətdən xilas edə biləcək yeganə şəxsiyyət Heydər Əliyev idi. Xalqın bu niyyətini qəbul edən Heydər Əliyevin həyata keçirdiyi təxirəsalınmaz sosial-iqtisadi, siyasi və mənəvi tədbirlər qısa zamanda nəticəsini verdi.

Nizami ordu formalaşdırıldı, bütün siyasi və diplomatik vasitələr işə salındı. İqtisadi potensialımızdan səmərəli istifadə edərək dünya bazarına daxil olmağa şərait yaradan beynəlxalq müqavilələr əldə edildi. Bütün bunlar 1993-cü il 15 iyun tarixinin nailiyyətləridir. Heydər Əliyevin xalqımız və tariximiz qarşısında ən böyük xidmətləri kəskin geosiyasi ziddiyyətlərin mövcud olduğu bir vaxtda Azərbaycan dövlətçiliyini xilas etməsində, ölkəmizi parçalanmaq təhlükəsindən qurtarmasında idi. Dövlətimizin qorunub saxlanılması isə azadlığımızın, müstəqilliyimizin qorunub saxlanması, qurtuluş deməkdir. Buna görə də xalqımız haqlı olaraq bu günü Milli Qurtuluş günü kimi qeyd edir”.

Millət vəkili bildirib ki, bu gün Heydər Əliyev siyasəti Prezident İlham Əliyev tərəfindən müdrikliklə, mütərəqqi addımlarla davam etdirilir: “Cənab Prezidentin rəhbərliyi altında bu gün Azərbaycan özünü dünyada etibarlı tərəfdaş, sülh, sabitlik və əməkdaşlıq məkanı kimi təsdiq edib. Bunu ölkəmizdə keçirilən beynəlxalq tədbirlər, idman yarışları, forumlar və s. dünya əhəmiyyətli işlər bir daha sübut edir. Eyni zamanda, Aəzrbaycan Prezidentinin zaman-zaman ən sərt dildə erməni işğalına qarşı çıxışları, ordumuzun hazılıq vəziyyəti xalqımızda, o cümlədən, kəlbəcərlilərdə yurda dönmək ümidini hər gün daha da artırır. İnanırıq ki, Heydər Əliyev siyasəti Azərbaycan xalqını işğal olunmuş torpaqlarımıza qaytaracaq”.